උණුසුම් පුවත්
ගල්කිස්සේ නිවාස සංකීර්ණයක සිදුකළ වැටලීමකින් කාන්තාවන් දෙදෙනෙකු ඇතුළු 5ක් අත්අඩංගුවට
ගල්කිස්ස පොලිස් වසමේ නිවාස සංකීර්ණයක සිදුකළ විශේෂ සෝදිසි මෙහෙයුමකදී මත්ද්රව්ය සමඟ කාන්තාවන් දෙදෙනෙකු ඇතුළු පුද්ගලයින් 05 දෙනෙකු අත්අඩංගුවට ගෙන තිබේ.
පොලිස් විශේෂ කාර්යය බලකාය, පොලීසිය සහ යුද හමුදාව එක්ව මෙම සෝදිසි මෙහෙයුම සිදුකර ඇති බව සඳහන් වෙයි.
එහිදි කුෂ් මත්ද්රව්ය ග්රෑම් 07ක්, හෑෂ් මත්ද්රව්ය ග්රෑම් 32ක්, හෙරෝයින් මත්ද්රව්ය ග්රෑම් 04ක්, මත්පෙති 20ක් හා මත්ද්රව්ය ජාලයෙන් උපයාගත් රුපියල් එක් ලක්ෂ 8400ක මුදලක් සොයා ගෙන තිබේ.
අත්අඩංගුවට ගත් මෙම සැකකරුවන් අතර පසුගිය මස 04 වනදින දෙහිවල නැදිමාල ප්රදේශයේ යතුරුපැදියකින් පැමිණ පුද්ගලයෙකුට වෙඩි තැබීමේ සිද්ධියේ සැකකරුවෙකුද වන බව පොලීසිය සදහන් කළේය.
අත්අඩංගුවට ගත් සැකකරුවන් සහ මත්ද්රව්ය වැඩිදුර විමර්ශන සඳහා ගල්කිස්ස පොලිස් ස්ථානය වෙත භාරදී තිබේ.
