පවතින වියළි කාලගුණික තත්ත්වය යටතේ පීඩාවට පත් පවුල් 43,221ක් වෙත පානීය ජලය බෙදා හැර ඇතැයි ආපදා කළමනාකරණ අංශය පවසයි.
එම මධ්යස්ථානය පැවසුවේ පවුල් 43,221ක පවුල් 141,312ක් සඳහා මෙලෙස පානීය ජලය බෙදා හැර ඇති බවය.
මින් වැඩිම බලපෑමක් එල්ල වී ඇත්තේ මොනරාගල දිස්ත්රික්කයට වන අතර එම දිස්ත්රික්කයේ ප්රාදේශීය ලේකම් කොට්ඨාස 08ක පවුල් 13,139ක පවුල් 42,429ක් සඳහා පානීය ජලය බෙදා හැරීමට පියවර ගෙන තිබේ.
මීට අමතරව මඩකලපුව දිස්ත්රික්කයේ පවුල් 11,142කට අයත් පුද්ගලයින් 33,394ක් බදුල්ල දිස්ත්රික්කයේ පවුල් 6,653කට අයත් පුද්ගලයින් 25,413ක් වෙතද පානීය ජලය බෙදා හැරීමට පියවර ගෙන තිබේ.
ආපදා කළමනාකරණ මධ්යස්ථානය පැවසුවේ පවතින වියළි කාලගුණය හේතුවෙන් දිස්ත්රික්ක 8ක ප්රාදේශීය ලේකම් කොට්ඨාස 36ක් බලපෑමට ලක්ව ඇති බවය.
ඒ අනුව එම දිස්ත්රික්ක 8හි පවුල් 49,334ට අයත් පුද්ගලියින් 161,451කට අයත් පුද්ගලයින් ප්රමාණයක් මෙම කාලගුණික තත්ත්වය යටතේ පීඩාවට පත්ව ඇති බවද ආපදා කළමනාකරණ මධ්යස්ථානය සඳහන් කළේය.
