දිවයිනට පැමිණ සිටින ඉන්දියානු ආරක්ෂක අමාත්ය රාජ්නාත් සිං මහතා අද (9) ශ්රී ජයවර්ධනපුර කෝට්ටේ පිහිටි ආරක්ෂක හමුදා මූලස්ථාන සංකීර්ණයේ පිහිටි ආරක්ෂක අමාත්යාංශය වෙත නිල සංචාරයක නිරත විය.
ආරක්ෂක අමාත්යාංශ පරිශ්රය වෙත පැමිණි ඉන්දීය ආරක්ෂක අමාත්යවරයා, ආරක්ෂක නියෝජ්ය අමාත්ය මේජර් ජෙනරල් අරුණ ජයසේකර (විශ්රාමික) මහතා විසින් මහත් හරසරින් පිළිගනු ලැබූ අතර, අනතුරුව ශ්රී ලංකා යුද හමුදාව විසින් ඒ මහතා වෙත සම්ප්රදානුකූල ආචාර සම්මාන මුරයක් ද පිරිනමන ලදී.
මෙහිදී අදහස් දැක්වූ ආරක්ෂක නියෝජ්ය අමාත්යවරයා, ඉන්දියාව සහ ශ්රී ලංකාව අතර පවතින දීර්ඝකාලීන සමීප සබඳතා සහ ද්විපාර්ශ්වික ආරක්ෂක සහයෝගීතාව පිළිබඳව අවධාරණය කළේය.
විශේෂයෙන්ම අභියෝගාත්මක සහ හදිසි අවස්ථාවලදී ඉන්දියාව ශ්රී ලංකාව වෙනුවෙන් දැක්වූ නොපසුබස්නා සහයෝගය හා උපකාර වෙනුවෙන් ශ්රී ලංකා රජයේ කෘතඥතාව ද ඒ මහතා පළ කළේය.
ලැබුණු සුහදශීලී පිළිගැනීම පිළිබඳව සිය සතුට පළ කළ ඉන්දීය ආරක්ෂක අමාත්යවරයා, දෙරට අතර පවතින ඓතිහාසික හා නොබිඳුණු සබඳතා තවදුරටත් ශක්තිමත් කරමින් ඉදිරියටත් ආරක්ෂක සහ අනෙකුත් ක්ෂේත්රයන්හි සහයෝගීතාව පුළුල් කිරීමට කැපවන බව ප්රකාශ කළේය.
මෙම නිල හමුව සඳහා ආරක්ෂක අමාත්යාංශයේ වැඩබලන ලේකම් මෙන්ම අතිරේක ලේකම් (සිවිල් ආරක්ෂක හා සංවර්ධන) ඉන්දිකා විජේගුණවර්ධන, ශ්රී ලංකාවේ ඉන්දියානු මහ කොමසාරිස් සන්තෝෂ් ජා, ත්රිවිධ හමුදාපතිවරුන් ඇතුළු ආරක්ෂක අමාත්යාංශයේ සහ ඉන්දියානු නියෝජිත පිරිසේ ජ්යෙෂ්ඨ නිලධාරීන් රැසක් සහභාගී වූහ.
