මහනුවර, ගඟවට කෝරළය ප්රාදේශීය සභා බලප්රදේශයට අයත් තැන්නෙකුඹුර ප්රදේශයේ මහවැලි ගංගා රක්ෂිතයේ පිහිටි වෙළෙඳසැල් ඉවත්කිරීමට යාමේදී දැඩි උණුසුම්කාරී තත්ත්වයක් හටගෙන තිබේ.
අධිකරණ නියෝගයකට අනුව අධිකරණ, මහවැලි අධිකාරී නිලධාරීන් සහ පොලිස් නිලධාරීන් අද (09) එම ස්ථානයට පැමිණ වෙළෙඳසැල් ඉවත් කිරීමට කටයුතු කර ඇත.
නියෝගයට අවනත නොවුණහොත් රාජකාරියට බාධාකිරීම යටතේ අත්අඩංගුවට ගන්නා බවට නිලධාරීන් දැනුම් දී තිබේ.
තමන් වසර 25-30 කාලයක් තිස්සේ එම ස්ථානයේ ව්යාපාර කටයුතු සිදුකරන බවත්, ප්රාදේශීය සභාවට මසකට රු. 5,000 බැගින් කුලී ගෙවමින් සහ මහවැලි අධිකාරිය සමඟද ගිවිසුම්ගතව මෙම ව්යාපාර කරගෙන ගිය බව වෙළෙඳුන් පවසති.
දිට්වා සුළි කුණාටුවෙන් නිවාස පවා අහිමිව සිටින තමන්ව මෙසේ පාරට ඇද දැමීම අසාධාරණ බවත් තමන් අධිකරණ නියෝගවලට ගරු කළද මේ ආකාරයේ තීන්දු ලැබීම සඳහා කරුණු ඉදිරිපත් කළ මහවැලි අධිකාරියේ නිලධාරීහු පක්ෂග්රාහීව කටයුතු කොට ඇති බවටද ඔවුන් චෝදනා කර තිබේ.
සියලු වෙළෙඳසැල් ඉවත්කිරීමට නියෝග කර තිබියදී ජාතික ජන බලවේගයේ ආධාරකරුවෙකුගේ වෙළෙඳසැලට පමණක් අධිකරණ නියෝගයක් ලැබී නොමැති බවත් වෙළෙඳුන් චෝදනා කර ඇත.
දිට්වා සුළි කුණාටුව හේතුවෙන් තම නිවාස පවා අහිමිව දැඩි ගැටලුකාරී තත්ත්වයක් මත ජීවත් වූ තමන්ට මෙම තීරණය හේතුවෙන් තවත් අසරණ භාවයට පත්වීමට සිදුවන බව ඔවුන් පවසයි.
මේ අතර, එම ස්ථානයට පැමිණි ගඟවට කෝරළය ප්රාදේශීය සභාවේ ජාතික ජන බලවේගයේ මන්ත්රීවරයාට සහ වත්මන් රජයටද වෙළෙඳුන් දැඩි විරෝධය පළකර තිබේ.
