නාවලපිටිය තැපැල් කාර්යාලය අසල නවීන පන්නයේ ආපනශාලාවක් පවත්වාගෙන යන මුවාවෙන් උපකාරක පන්ති පැමිණෙන බාලවයස්කාර දරුවන් ඉලක්ක කර ගනිමින් හෂීස් මත්ද්රව්ය අලෙවි කළ 23 හැවිරිදි ජාවාරම්කරුවෙකු නාවලපිටිය පොලීසිය විසින් අත්අඩංගුවට ගෙන ඇත.
ලද තොරතුරකට අනුව සිදුකළ හදිසි වැටලීමකදී සැකකරු සමඟ විකිණීමට ඉතිරිව තිබූ හෂීස් මත්ද්රව්ය ග්රෑම් 2ක් ද පොලිස් භාරයට ගෙන තිබේ.
සිද්ධිය සම්බන්ධයෙන් පොලීසිය සිදුකළ මූලික ප්රශ්න කිරීම්වලදී අනාවරණය වී ඇත්තේ කොළඹ, ගල්කිස්ස ප්රදේශයෙන් එක් වරකදී හෂීස් මත්ද්රව්ය ග්රෑම් 10ක් රුපියල් 12,000ක පමණ මුදලකට ලබාගන්නා සැකකරු, ඒවා කුඩා පැකට් 80කට පමණ සකස් කර එක් පැකට්ටුවක් රුපියල් 1,000 බැගින් අලෙවි කර ඇති බවයි.
සැකකරු සහ ඔහුගේ පෙම්වතිය විසින් පවත්වාගෙන යනු ලබන මෙම ආපනශාලාව තුළදීම අදාළ මත්ද්රව්ය පානය කිරීමට ද පහසුකම් සලසා දී තිබේ.
මෙම ආපනශාලාව ආසන්නයේ විශාල වශයෙන් පාසල් දරුවන් සහභාගී වන උපකාරක පන්ති පිහිටා ඇති අතර, ප්රධාන වශයෙන්ම එම දරුවන් ඉලක්ක කරගනිමින් මෙම ජාවාරම පවත්වාගෙන ගොස් ඇත.
අත්අඩංගුවට ගත් සැකකරු සම්බන්ධයෙන් රැඳවුම් නියෝග ලබාගෙන වැඩිදුර විමර්ශන පවත්වන බව නාවලපිටිය පොලීසිය සඳහන් කරයි.
