දිවයිනේ ප්රදේශ කිහිපයක සිදුවූ රිය අනතුරුවලින් පොලිස් නිලධාරියෙකු ඇතුළු පුද්ගලයින් තිදෙනෙකු ජීවිතක්ෂයට පත්ව තිබේ.
තණමල්විල - හම්බේගමුව මාර්ගයේ අරඹේකෙම ප්රදේශයේදී සිදු වූ අනතුරකින් 43 හැවිරිදි පොලිස් සැරයන්වරයෙකු ජීවිතක්ෂයට පත්ව තිබේ.
තණමල්විල දෙසට ධාවනය වූ යතුරුපැදියක් මාර්ගයෙන් ඉවතට පැන පෙරළීමෙන් මෙම අනතුර සිදුව ඇත.
මෙලෙස මියගොස් ඇත්තේ හම්බේගමුව පොලිස් ස්ථානයට අනුයුක්තව සේවය කළ, ගාමිණිපුර - තණමල්විල ප්රදේශයේ පදිංචි පොලිස් සැරයන්වරයෙකි.
එමෙන්ම කඩවත නගරයේ පිටත වටරවුම් මාර්ගයේ ශරීර සුවතා උයන ආසන්නයේදී සිදු වූ අනතුරකින් පුද්ගලයෙකු ජීවිතක්ෂයට පත්ව තිබේ.
කඩවත දෙසට ධාවනය වූ වෑන් රථයක් ඊට ප්රතිවිරුද්ධ දෙසින් පැමිණි ත්රීරෝද රථයක් හා මුහුණට මුහුණ ගැටීමෙන් මෙම අනතුර සිදුව ඇත.
අනතුරින් බරපතළ තුවාල ලැබූ ත්රීරෝද රථ රියදුරු රාගම රෝහලට ඇතුළත් කරන විටත් මියගොස් සිට ඇති බව පොලීසිය පැවසීය.
මෙලෙස මියගොස් ඇත්තේ කඩවත - ගෝණහේන ප්රදේශයේ පදිංචි 58 හැවිරිදි පුද්ගලයෙකි.
සිද්ධියට සම්බන්ධ වෑන් රථයේ රියදුරු පොලිසිය විසින් අත්අඩංගුවට ගෙන ඇත.
මේ අතර මොණරාගල - බදුල්ල මාර්ගයේ තොලොබොවත්ත ප්රදේශයේදී සිදු වූ අනතුරකින් ද 50 හැවිරිදි කාන්තාවක් මියගොස් තිබේ.
ත්රීරෝද රථයක් හා ලංගම බස් රථයක ගැටීමෙන් මෙම අනතුර සිදුව ඇත.
අනතුරින් ත්රීරෝද රථයේ ගමන් කළ පුද්ගලයෙකු සහ කාන්තාවක් බරපතළ තුවාල ලබා පස්සර රෝහලට ඇතුළත් කර ඇති අතර එහිදී එම කාන්තාවක් මියගොස් ති බව පොලීසිය පැවසීය.
අනතුර සම්බන්ධයෙන් බස් රථයේ රියදුරු අත්අඩංගුවට ගෙන ඇත.
