එල් නිනෝ කාලගුණික තත්ත්වයේ බලපෑම හේතුවෙන් දිස්ත්රික්ක 7ක ප්රාදේශීය ලේකම් කොට්ඨාස 35කට අයත් පුද්ගලයින් 115,534දෙනෙකු පීඩාවට පත්ව සිටින බව ජාතික ආපදා සහන සේවා මධ්යස්ථානය පවසයි.
අද (05) නිකුත් කරන ලද වාර්තාවලට අනුව, පීඩාවට පත් ජනතාව වෙනුවෙන් ප්රාදේශීය ලේකම් කොට්ඨාස 34ක පවුල් 34,608කට අයත් පුද්ගලයින් 113,354දෙනෙකු සඳහා පානීය ජලය බෙදා හැරීමේ කටයුතු මේ වන විට සිදු කෙරේ.
මෙම ආපදා තත්ත්වයෙන් වැඩිම බලපෑමක් එල්ල වී ඇත්තේ මොණරාගල දිස්ත්රික්කයට වන අතර, එහි ප්රාදේශීය ලේකම් කොට්ඨාස 8ක පවුල් 12,732කට අයත් පුද්ගලයින් 41,360දෙනෙකු පීඩාවට පත්ව සිටී.
ඊට අමතරව මඩකලපුව දිස්ත්රික්කයේ ප්රාදේශීය ලේකම් කොට්ඨාස 8ක පුද්ගලයින් 33,394 දෙනෙකුටද, බදුල්ල දිස්ත්රික්කයේ ප්රාදේශීය ලේකම් කොට්ඨාස 10ක පුද්ගලයින් 20,418 දෙනෙකුටද, අම්පාර දිස්ත්රික්කයේ ප්රාදේශීය ලේකම් කොට්ඨාස 3ක පුද්ගලයින් 11,995දෙනෙකුටද පානීය ජලය සම්පාදනය කෙරෙමින් පවතින බව සඳහන්.
එමෙන්ම පොළොන්නරුව දිස්ත්රික්කයේ පීඩාවට පත් පුද්ගලයින් 6,842ක් අතුරින් පුද්ගලයින් 5,562 දෙනෙකුටත්, රත්නපුර දිස්ත්රික්කයේ පීඩාවට පත් පුද්ගලයින් 1,374ක් අතුරින් පුද්ගලයින් 474දෙනෙකුටත් පානීය ජලය බෙදා හරිනු ලබයි.
අනුරාධපුර දිස්ත්රික්කයේ ප්රාදේශීය ලේකම් කොට්ඨාස 1ක පවුල් 30ක පුද්ගලයින් 151දෙනෙකු පීඩාවට පත්ව ඇති අතර එම සියලු දෙනාටද පානීය ජලය ලබා දීමට කටයුතු යොදා ඇත.
අදාළ ප්රදේශවල පීඩාවට පත් ජනතාවට සහන සැලසීමේ සහ පානීය ජලය අඛණ්ඩව සැපයීමේ කටයුතු ආපදා කළමනාකරණ අංශ මගින් මේ වන විටත් සක්රියව සම්බන්ධීකරණය කරනු ලබයි.
