බලංගොඩ ප්රදේශයේ පින්නවල සහ සමනලවැව පොලිස් වසම් තුළ සිදුවූ ගෙවල් බිඳීම් සහ සොරකම් රැසකට සම්බන්ධ සැකකරුවන් දෙදෙනෙකු පින්නවල පොලීසිය මගින් අත්අඩංගුවට ගෙන තිබේ.
පින්නවල පොලිස් ස්ථානාධිපති මහතාගේ උපදෙස් පරිදි ක්රියාත්මක කළ විශේෂ මෙහෙයුමකදී, ප්රධාන මාර්ගයක ගමන් කළ සැකකටයුතු ත්රිරෝද රථයක් පරීක්ෂාවට ලක් කර ඇත.
එහිදී ත්රිරෝද රථයේ තිබූ භාණ්ඩ පිළිබඳව ඇතිවූ සැකය මත එහි ගමන් කළ පුද්ගලයින් දෙදෙනා අත්අඩංගුවට ගෙන ප්රශ්න කිරීමේදී මෙම සොරකම් පිළිබඳ තොරතුරු අනාවරණය වී තිබේ.
සැකකරුවන්ගෙන් සිදුකළ වැඩිදුර විමර්ශනවලදී මෙම ජාවාරමට සම්බන්ධ ප්රධාන සැකකරු හඳුනාගෙන ඇති අතර, විවිධ ප්රදේශවලින් සොරකම් කරන ලද ගෑස් සිලින්ඩර්, නිවාස බිඳ පැහැරගත් රන් භාණ්ඩ සහ තවත් උපකරණ රැසක් සොයා ගැනීමට පොලීසිය සමත් විය.
මෙම භාණ්ඩ විවිධ ප්රදේශවලට අඩු මුදලට අලෙවි කර තිබියදී මෙසේ පොලිස් භාරයට ගෙන ඇත.
සිද්ධියට සම්බන්ධ ප්රධාන සැකකරු අත්අඩංගුවට ගැනීම සඳහා පින්නවල පොලීසිය මගින් වැඩිදුර මෙහෙයුම් ක්රියාත්මක අතර, අත්අඩංගුවට ගත් සැකකරුවන් දෙදෙනා බංන්ගොඩ මහෙස්ත්රාත් අධිකරණයට ඉදිරිපත් කිරීමට නියමිතය.
