ජාත්යන්තර ක්රිකට් කවුන්සිලය (ICC) විසින් ප්රකාශයට පත්කරන ලද නවතම ටෙස්ට් පිතිකරණ ශ්රේණිගත කිරීම්හි ස්ථාන 29ක් ඉදිරියට පැමිණෙමින් 25 වැනි ස්ථානය හිමිකර ගැනීමට ශ්රී ලංකා නැගී එන පිතිකරු සොනාල් දිනූෂ සමත්ව තිබේ.
ඉන්දියාවට එරෙහිව පැවැති ටෙස්ට් තරගාවලියේදී දක්වන ලද විශිෂ්ට පිතිකරණ දස්කම් මෙම ශ්රේණිගත කිරීම් උසස්වීමට බලපා ඇත.
අවසන් වරට සිදුකළ ශ්රේණිගත කිරීම්වලදී ස්ථාන 49ක් ඉදිරියට පැමිණෙමින් 103 වැනි ස්ථානයේ සිට 54 වැනි ස්ථානය දක්වා පැමිණීමටද ඔහු සමත් විය.
ඉන්දීය තරගාවලියේ වැඩිම ලකුණු ලාභියා වූ සොනාල් දිනූෂ, ඉනිම් 4ක් තුළ ශතක 3ක් සහ එක් අර්ධ ශතකයක් සහිතව ලකුණු 420ක් රැස්කළ අතර දෙවන ටෙස්ට් තරගයේ වීරයා සම්මානයෙන්ද පිදුම් ලැබීය.
මේ අතර ශ්රී ලංකාවේ කමිඳු මෙන්ඩිස්ද ස්ථාන 2ක් ඉදිරියට පැමිණෙමින් නවතම ටෙස්ට් පිතිකරණ ශ්රේණිගත කිරීම්හි 10 වැනි ස්ථානය දක්වා ඉහළට පැමිණීමට සමත්ව ඇත.
නවතම ශ්රේණිගත කිරීම්වලට අනුව ටෙස්ට් පිතිකරුවන් අතර පෙරමුණ රැකගැනීමට එංගලන්ත නායක හැරී බෲක් සමත්ව සිටියි.
එක් ස්ථානයකින් ඉදිරියට පැමිණි ඔස්ට්රේලියාවේ ස්ටීවන් ස්මිත් දෙවැනි ස්ථානය හිමිකරගෙන ඇති අතර, මීට පෙර දෙවැනි ස්ථානයේ රැඳී සිටි එංගලන්තයේ ජෝ රූට් තෙවැනි ස්ථානය දක්වා පහත බැස තිබේ.
