සෞඛ්ය හා ජනමාධ්ය අමාත්යාංශය විසින් ක්රියත්මක කරනු ලබන ආරෝග්යා සුවතා මධ්යස්ථාන 1000 ව්යාපෘතිය හෙට (01) නිල වශයෙන් ආරම්භවීමට නියමිතව තිබේ.
ඒ, විෂය භාර අමාත්ය වෛද්ය නලින්ද ජයතිස්ස මහතාගේ ප්රධානත්වයෙනි.
ඒ අනුව කළුතර දකුණ සුවතා මධ්යස්ථානයට මුල්ගල තැබීම පෙරවරු 09.00ට සිදු කෙරෙනු ඇත.
ඊට සමාගමීව දිස්ත්රික් මට්ටමින් ද වැඩසටහන් සංවිධාන කර ඇත. මෙම ව්යාපෘතියෙන් බෝ නොවන රෝග පාලනයට හා වැළැක්වීමේ සත්කාරයට ප්රමුඛත්වය දෙමින් ප්රාථමික සෞඛ්ය සේවාවේ නව හැරවුමක් සනිටුහන් කෙරේ.
මෙරට වත්මන් රෝහල් පද්ධතිය තුළ රෝගියෙකු වෛද්යවරයෙකු හමුවීමට යන අවස්ථාවල පවතින තදබදය සහ පෝලිම් හේතුවෙන් රෝගීයාගේ තත්ත්වය පිළිබද දීර්ඝ ලෙස සාකච්ඡා කර උපදෙස් ලබාදීමට වෛද්යවරුන්ට ඇති කාලය සීමිතය.
එමෙන්ම ජනතාවට ද සෞඛ්ය ගැටලු සම්බන්ධයෙන් ප්රමාණවත් කාලයක් ගෙන සාකච්ඡා කිරිමට හෝ වැළැක්වීමේ සෞඛ්ය ක්රමවේද පිළිබද දැනුවත්වීමට අවස්ථාව නොලැබීම ද ගැටලුවකි.
මෙම තත්ත්වය සැලකිල්ලට ගනිමින් ග්රාම නිලධාරී වසම් කිහිපයක් ආවරණය වන පරිදී ප්රජා මට්ටමින් සෞඛ්ය උපදෙස්, පරික්ෂණ, මග පෙන්වීම් ලබාදීමේ අරමුණෙන් ආරෝග්යා සුවතා මධ්යස්ථාන සංකල්පය හදුන්වාදීමට සෞඛ්ය අමාත්යාංශය පියවර ගෙන ඇත.
මෙම මධ්යස්ථාන සම්ප්රදායික, බෙහෙත් ශාලාවකට හෝ බාහිර රෝගි අංශයකට සීමානොවන බව සඳහන්ය.
රෝගාතුර වූ පසු ප්රතිකාර කිරීමට වඩා රෝග ඇතිවීම කල්තියා වළක්වා ගැනීම සහ සමස්ත ශාරීරික සුවතාව ප්රවර්ධනය කිරීම මෙහි මූලික අරමුණ වේ.
සෑම මධ්යස්ථානයකටම වෛද්යවරයෙකු, ප්රජා හෙද කාර්ය මණ්ඩලයක් සහ සම්බන්ධීකරණ නිලධාරීන් අනුයුක්ත කිරීමට සැලැසුම් කර ඇති බව වැඩිදුරටත් සඳහන්ය.
