මාවනැල්ල ගඩොල් පාලම ප්රදේශයේදී සිදුවූ රිය අනතුරකින් පුද්ගලයින් සිව් දෙනෙකු තුවාල ලබා මාවනැල්ල මූලික රෝහලට ඇතුළත් කර තිබේ.
මාවනැල්ල පොලිසිය සඳහන් කළ පරිදි, අද (31) දහවල් අරණායක දෙස සිට මාවනැල්ල නගරය දෙසට ගමන් කරමින් තිබූ කුඩා ප්රමාණයේ වෑන් රථයක් සහ මාවනැල්ල නගරයේ සිට උස්සාපිටිය දෙසට ගමන් කරමින් තිබූ වැලි ප්රවාහනය කළ ටිපර් ලොරි රථයක් ගඩොල් පාලම මතදී මුහුණට මුහුණ ගැටීමෙන් මෙම අනතුර සිදුව ඇත.
අනතුරට සම්බන්ධ ටිපර් රථය බලපත්ර සහිතව වැලි ප්රවාහනය කරමින් ගමන් කරමින් තිබූ බවද පොලීසිය සඳහන් කර තිබේ.
අනතුරින් වෑන් රථයේ ගමන් කරමින් සිටි සිව් දෙනෙකු තුවාල ලබා ඇති අතර, ඔවුන් ප්රතිකාර සඳහා මාවනැල්ල මූලික රෝහල වෙත රැගෙන ගොස් තිබේ.
තුවාල ලැබූ පුද්ගලයින් අතරින් එක් අයෙකුගේ තත්ත්වය අසාධ්ය බව රෝහල් ප්රකාශකයෙකු සඳහන් කළේය.
අනතුර සම්බන්ධයෙන් මාවනැල්ල පොලීසිය වැඩිදුර විමර්ශන සිදුකරයි.
