රජය විසින් ඔක්ටේන් 92 පෙට්රල් ලීටරයක මිල රුපියල් 15කින් පහත හෙළනු ලැබුවද, ත්රීරෝද රථ ගාස්තුවල කිසිදු සංශෝධනයක් සිදු නොවන බව ජාතික ඒකාබද්ධ ත්රීරෝද රථ රියදුරන්ගේ හා කර්මාන්තකරුවන්ගේ සංගමයේ ප්රධාන ලේකම් එල්. රෝහණ පෙරේරා මහතා පවසයි.
කිරිපිටි සහ පාන් පිටි මිල ඉහළ නංවමින් ඉන්ධන මිල රුපියල් 15කින් පහත දැමීම රජයේ උපක්රමශීලී ක්රියාමාර්ගයක් බවට චෝදනා කළ ඒ මහතා, ත්රීරෝද රථ ගාස්තු නියාමනයට අදාළ සියලුම මිල ගණන් ජාතික ගමනාගමන කොමිෂන් සභාව මගින් සකස් කර අමාත්යාංශය වෙත භාර දී ඇති බව සඳහන් කළේය.
බස්නාහිර පළාත් මාර්ගස්ථ ප්රවාහන අධිකාරියෙන් ගාස්තු සංශෝධනයක් ඉල්ලා සිටිය නොහැකි බවත්, නියාමන බලතල ජාතික ගමනාගමන කොමිෂන් සභාව සතු බැවින් මිල පාලනයට තමන්ට අයිතියක් නැති බව එම අධිකාරිය ප්රකාශ කර ඇති බවත් ඔහු මෙහිදී පැවසීය.
ඒ අනුව, නීත්යානුකූල ගාස්තු සංශෝධනයක් එන තෙක් පළමු කිලෝමීටරය සඳහා රුපියල් 110ක් සහ දෙවන කිලෝමීටරයේ සිට රුපියල් 90ක් වන පැරණි ගාස්තුම අය කිරීමට සිදුවන බව රෝහණ පෙරේරා මහතා වැඩිදුරටත් ප්රකාශ කළේය.
එහිදී අදහස් දැක්වූ ජාතික ඒකාබද්ධ ත්රීරෝද රථ රියදුරන්ගේ හා කර්මාන්තකරුවන්ගේ සංගමයේ ප්රධාන ලේකම් එල්. රෝහණ පෙරේරා මහතා,
''මේ වෙනකොට රජය විසින් ඉන්ධන මිල සංශෝධනය කරමින් ඔක්ටේන් 92 තවත් රුපියල් 15කින් අඩු කරලා තියෙනවා. ඇත්තටම මේ වෙලාවේ ආණ්ඩුව හරිම කට්ට කෛරාටික විදිහට තමයි මේ වැඩේ කරන්නේ. මොකද මේ පැත්තෙන් කිරිපිටි මිලයි, පාන් පිටි මිලයි නග්ගන කොට මෙහෙන් රුපියල් 15ක් අඩු කරනවා ඉන්ධන මිලෙන්. නමුත් ත්රිරෝද රථ සේවාවට අදාළ අයකිරීම් ජාතික ගමනාගමන කොමිෂන් සභාව විසින් නියාමනයට අදාළ සියලුම මිල සඳහන් කරලා ඒ සියලු කටයුතු අමාත්යංශයට භාර දීලා තියෙනවා. දැන් අමාත්යංශය විසින් කැබිනට් අනුමැතියත් අරගෙන මේ වෙනකොට ඒ අදාළ නීති කෘත්යයන් සඳහා නීතිපති ළඟ තමයි තියෙන්නේ. එතකොට නීතිපතිතුමා තමයි මේ සම්බන්ධයෙන් කටයුතු කරලා ඉතාමත් ඉක්මනින් මේ වැඩේ දාන්න ඕනේ පාර්ලිමේන්තුවට. පාර්ලිමේන්තුවට දැම්මට පස්සේ එතනින් අනුමත වුණායින් පස්සේ අත්සන් කරායින් පස්සේ තමයි මේක නීතියක් බවට පත්වෙන්නේ. අපිට වෙනදා වගේ බස්නාහිර පළාත් මාර්ගස්ථ ප්රවාහන අධිකාරියේ මිල පාලන කමිටුවෙන් ඉල්ලීමක් කරන්න බැහැ මේ වගේ වෙලාවට. මොකද දැන් පහුගිය කාලෙදි අපි ඒ ඉල්ලීම කරහම එහි සභාපතිතුමා පැහැදිලිවම සඳහන් කළේ දැන් ඒ අයට අයිතියක් නැහැ මේ මිල සම්බන්ධයෙන් කටයුතු කරන්න. ජාතික ගමනාගමන කොමිෂන් සභාවත් එක්ක ඒ ගැන කතා කරන්න කියලා. දැන් අපි මේ වෙනකොට මේ වැඩ කටයුතු සියල්ල අවසන් කරලා තියෙනවා. මේ වෙනුවෙන් කටයුතු කරන්නේ කොයි වෙලාවෙද කියන එක, ජාතික ගමනාගමන කොමිෂන් සභාවෙන්. ඒ නිසා, අපි තවදුරටත් මේ ගැන කතා කරනවා නම්, අපිට කියන්න තියෙන්නේ, පැරණි මිලම තමයි අපිට පාවිච්චි කරන්න වෙන්නේ. නීත්යානුකූල මිලක් එනකං. ඒ කියන්නේ පළවෙනි කිලෝමීටරයේ 110ක්, දෙවෙනි කිලෝමීටරයේ රුපියල් 90ක් කියන සීමාව තුළ තමයි අපිට ඉන්න වෙන්නේ. නමුත් මහා මාර්ගයේදී සාමාන්ය ත්රිරෝදරථ භාවිතාවේදී, ඒ මිල ගණන්වලට නෙමෙයි, රුපියල් 110,120 ආදී වශයෙන් තමයි මිල අය කරන්නේ. නමුත් එතනදී තාම නීතියක් විදියට මේක ක්රියාත්මක වෙන්නේ නැති නිසා තමයි ඔය තත්වයටම පත් වෙලා තියෙන්නේ. අපි බලාපොරොත්තු වෙනවා ඉතාමත් ඉක්මනින් මේ අදාළ නියාමනය යටතේ මේ මිල ගණන් එයි කියලා.''
