ඉන්දියාව සමග පැවැති පළමු ටෙස්ට් තරගයේ දැක්වූ විශිෂ්ට දස්කම් හේතුවෙන් නවතම ටෙස්ට් පිතිකරණ ශ්රේණිගත කිරීමේ පියවර 49ක් ඉදිරියට පැමිණ 54වැනි ස්ථානය හිමිකර ගැනීමට ශ්රී ලංකා මැදපෙළ පිතිකරු සොනාල් දිනූෂ සමත්ව ඇත.
ඔහු එම තරගයේ පළමු ඉනිමේ ලකුණු 100ක් සහ දෙවන ඉනිමේ 84ක් ලෙස සමස්ත තරගයේදී ලකුණු 184ක් රැස්කිරීමට සමත් විය.
කෙසේ නමුත් එම තරගයේදී දක්ෂතා අතරට පැමිණීමට නොහැකි වූ කමිඳු මෙන්ඩිස් 12 වන ස්ථානය දක්වාත්, දිනේෂ් චන්දිමාල් 13 වන ස්ථානය දක්වාත් පහත වැටී තිබේ.
එංගලන්ත නායක හැරී බෘක්ස් තවදුරටත් ටෙස්ට් පිතිකරුවන් අතර පෙරමුණ රැකගැනීමට සමත්ව සිටින අතර, ජෝ රූට්ට එහි දෙවන ස්ථානය හිමිව ඇත.
මේ අතර ඔස්ට්රේලියානු වමත් වේගපන්දු යවන ක්රීඩක මිචෙල් ස්ටාර්ක් ටෙස්ට් පන්දු යවන්නන් අතර පළමු ස්ථානයට පැමිණ ඇති අතර, ඔහු සිය වසර 15ක ටෙස්ට් ක්රිකට් දිවියේ ශ්රේණිගත කිරීම්හි පළමු ස්ථානය හිමිකරගත් පළමු අවස්ථාව එය වේ.
බංග්ලාදේශයට එරෙහි ටෙස්ට් තරගාවලියේ Mackay පැවති දෙවන තරගයේදී ඔහු ලකුණු 51කට කඩුලු 10ක් (6/12 & 4/39) දවාගනිමින් දැක්වූ විශිෂ්ට දක්ෂතාව හේතුවෙන් ඔහු මෙලෙස ඉදිරියට පැමිණ ඇත.
ස්ටාක්ගේ ඉදිරියට පැමිණීමත් එතෙක් එහි පළමු ස්ථානයේ පසුවූ ඉන්දියාවේ ජස්ප්රිට් බුම්රා දෙවැනි ස්ථානය දක්වා පහතට වැටී තිබේ.
නවසීලන්තයේ මැට් හෙන්රි තෙවැනි ස්ථානයේත්, ඔස්ට්රේලියානු නායක පැට් කමින්ස් සිව්වැනි ස්ථානයේදී රැඳී සිටියි.
