කැලණි ගඟෙන් ජලය ලබා ගන්නා ස්ථානය ආශ්රිතව ජලයේ ගුණාත්මකභාවයට බලපා ඇති හදිසි තත්ත්වයක් හේතුවෙන් කොළඹ සහ ගම්පහ දිස්ත්රික්කවල ප්රදේශ කිහිපයක ජල සැපයුම තාවකාලිකව අත්හිටුවා තිබේ.
ජාතික ජල සම්පාදන හා ජලාපවාහන මණ්ඩලය පැවසුවේ, අද (25) අලුයම සිට වහාම ක්රියාත්මක වන පරිදි කොළඹ සහ ගම්පහ දිස්ත්රික්කවල ප්රදේශ කිහිපයකට ජලය බෙදාහරින අඹතලේ සහ කැලණි දකුණ ඉවුර ජල පවිත්රාගාරවල ජල සැපයුම මෙලෙස තාවකාලිකව අත්හිටුවා ඇති බවය.
කැලණි ගඟෙන් ජලය ලබාගන්නා ස්ථානය ආශ්රිතව ජලයේ ගුණාත්මකභාවයට බලපා හැකි හදිසි තත්ත්වයක් පවතින බවට ආපදා කළමනාකරණ මධ්යස්ථානය සිදුකළ දැනුම් දීමකට අනුව මෙම පියවර ගෙන තිබේ.
මෙම තත්ත්වය පිළිබඳව අවශ්ය පරීක්ෂණ සහ ක්රියාමාර්ග සිදුකරමින් පවතින අතර ජලසැපයුම යථා තත්ත්වයට පත්කිරීම සම්බන්ධයෙන් ඉදිරියේ දී දැනුවත් කරන බව ජාතික ජල සම්පාදන සහ ජලාපවහන මණ්ඩලය සඳහන් කළේය.
පාරිභෝගික ජනතාවගේ සෞඛ්ය ආරක්ෂාව වෙනුවෙන් මෙම පියවර ගෙන ඇති බව සඳහන්ය.
