ඉන්දියාවේ නිදහස් අරගලයේ නායක මහත්මා ගාන්ධිතුමා විසින් අතින් ලියන ලද දුර්ලභ සටහන් එකතුවක් මුම්බායි නගරයේ පැවති වෙන්දේසියකදී අමෙරිකානු ඩොලර් මිලියන 1.69 කට අලෙවි වී තිබේ.
ගාන්ධිතුමාගේ සමීප හිතවතෙකු සහ නිදහස් අරගලයේ ක්රියාකාරිකයෙකු වූ ආනන්ද් ටී. හිංගෝරානි මහතාගේ පවුලේ සාමාජිකයන් විසින් සුරක්ෂිතව පවත්වාගෙන ගිය මෙම එකතුවට, 1944 සහ 1946 අතර කාලය තුළ සත්යය, අහිංසාව සහ ආත්ම සංයමය පිළිබඳව ගාන්ධිතුමා ලියන ලද අත්පිටපත් පණිවිඩ 688 ක් ඇතුළත් වේ.
සැෆ්රොනාට් (Saffronart) වෙන්දේසි ආයතනය ප්රකාශ කළේ, ඉන්දියානු ඓතිහාසික ලේඛනයක් වෙනුවෙන් වෙන්දේසියකදී මෙතෙක් වාර්තා වූ ඉහළම මිල මෙය බවය.
හිංගෝරානි මහතාගේ භාර්යාව වන විද්යා මහත්මියගේ අභාවයෙන් පසු, ඔහුට සාමාන්ය ජීවිතයේදී සැනසීම, ධෛර්යය සහ මඟපෙන්වීම ලබාදීම සඳහා ගාන්ධිතුමා මෙම සටහන් යවා තිබේ.
පසුකාලීනව මෙම පණිවිඩ "A Thought for the Day" 'දවසේ සිතුවිල්ලක්' නමින් ග්රන්ථයක් ලෙසද සම්පාදනය කරන ලදී.
ගාන්ධිතුමාගේ දෙවියන් සහ භගවත්ගීතාව පිළිබඳ සටහන්, උන්වහන්සේගේ භාවිත කළ අතේ ගෙන යා හැකි නූල් කටින රාට්ටුව සහ නූල් කටීමේ අධ්යාත්මික විනය පිළිබඳ ලියකියවිලි ද මෙම වෙන්දේසියට ඇතුළත් විය.
ගැනුම්කරුගේ අනන්යතාව හෙළි නොකළද, මෙම වගකිවයුතු ඓතිහාසික සටහන් එකතුව අඛණ්ඩව ඉන්දියාව තුළම රඳවා ගැනීමට නියමිත බව සැෆ්රොනාට් ආයතනය පවසයි.
දේශපාලන නායකයෙකුගෙන් ඔබ්බට ගොස් ගාන්ධිතුමාගේ පෞද්ගලික ජීවිතය සහ මානුෂීය ගුණාංග මනාව පිළිබිඹු කරන කලාතුරකින් දැකිය හැකි ඓතිහාසික ලේඛන එකතුවක් ලෙස මෙය සැමගේ අවධානයට ලක්ව තිබේ.
