පැනමා ධජය සහිත භාණ්ඩ ප්රවාහන නෞකාවක් බෙංගාල බොක්ක ආශ්රිත ඔඩිෂා වෙරළට නාවික සැතපුම් 240ක පමණ දුරින් අනතුරට ලක්ව ඇතැයි ඉන්දීය මාධ්ය වාර්තා කර තිබේ.
MV Ocean-Winner නම් වූ මෙම නෞකාව පසුගිය අගෝස්තු 20 වැනි දින රාත්රී 10.30ට පමණ ඔඩිෂාවේ පැරඩිප් වරායෙන් පිටත්ව ඇති අතර එහි යකඩ ලෝහ ටොන් 1,700ක් රැගෙන යමින් තිබූ බවත් සඳහන් වේ.
නෞකාව අනතුරට පත්වන විට කාර්ය මණ්ඩල සාමාජිකයින් 24 දෙනෙකු සිට ඇති අතර ඉන් 20 දෙනෙකු චීන ජාතිකයින් බවත් තිදෙනෙකු මියන්මාර සහ තවත් අයෙකු බංග්ලාදේශ ජාතිකයෙකු බවටත් ඉන්දීය මාධ්ය වාර්තා කර තිබේ.
ඉන්දියානු මාධ්ය වාර්තා කර ඇත්තේ අද (23) රාත්රී 11.48ට ඉන්දියාවේ ශ්රී විජය පුරම් හී සමුද්රීය ගලවා ගැනීමේ සම්බන්ධීකරණ මධ්යස්ථානයට නෞකාව සමග සන්නිවේදනය බිඳ වැටී ඇති බවට පණිවිඩයක් ලැබී ඇති බවය.
පසුව සෝදිසි කිරීම් සහ ගලවා ගැනීමේ සහාය සඳහා ඉල්ලීමක් සමග අනතුරු ඇඟවීමක් නෞකාව ක්රියාත්මක කරන සමාගම දැනුම් දී ඇතැයිද එම මාධ්ය වාර්තා හී සඳහන්ව ඇත.
නෞකාව අනතුරට පත්වූ බවට දැනගත් වහාම ඉන්දීය වෙරළාරක්ෂක බළකාය සහ ඉන්දීය නාවික හමුදාව ඒකාබද්ධ ගලවා ගැනීමේ මෙහෙයුමක්ද ආරම්භ කර තිබේ
ඒ අනුව සෝදිසි කිරීම් සහ ගලවා ගැනීමේ කටයුතු සඳහා වෙරළාරක්ෂක නෞඛා තුනක් යොමු කිරීමටද පියවර ගෙන ඇත.
කෙසේ වෙතත් නෞකාවේ කාර්ය මණ්ඩලයේ කී දෙනෙකු මේ වන විට බේරා ගෙන ඇතැයිද යන්න නිශ්චිතව තොරතුරු වාර්තා වී නොමැති අතර අනතුරට පත් නෞඛාව ආශ්රිත ප්රදේශයන් හී පවතින අනෙකුත් නෞඛාවන්ටද ගලවා ගැනීමේ කටයුතු සඳහා සහාය වන ලෙස දැනුම්දී ඇතැයිද ඉන්දියානු මාධ්ය වැඩිදුරටත් සඳහන් කර තිබේ.
