ක්‍රීඩා
චන්දිමාල් වෙනුවට පසිඳු ආදේශක ක්‍රීඩකයා ලෙස කැඳවයි
Aug 18, 202603:36 PM
ඉන්දියාවට එරෙහිව ගාල්ලේ පැවැත්වෙන පළමු ටෙස්ට් ක්‍රිකට් තරගයේදී පන්දු රකිමින් සිටියදී ආබාධයකට ලක්වූ ශ්‍රී ලංකා ජ්‍යෙෂ්ඨ පිතිකරු දිනේෂ් චන්දිමාල් වෙනුවට, පසිඳු සූරියබණ්ඩාර කැඳවීමට (Concussion Replacement) තීරණය කර ඇත.
සීමා මායිම ආසන්නයේදී හතරේ පහරක් වැළැක්වීමට උත්සාහ කිරීමේදී චන්දිමාල් අද (18) උදෑසන ආබාධයට ලක්වූ අතර, එහිදී ඔහුගේ දකුණු උරහිසට සහ බෙල්ලට හානි සිදුවී ඇති බව අනාවරණය විය.
පසුව ඔහුව ස්කෑන් පරීක්ෂණයක් සඳහා රෝහල් ගත කළ අතර, එහිදී අභ්‍යන්තර තුවාල කිසිවක් සිදුව නොමැති බව තහවුරු වී තිබේ.
කෙසේ වෙතත්, වෛද්‍යවරයාගේ සහ කණ්ඩායම් භෞතචිකිත්සකවරයාගේ නිර්දේශ මත, ඔහු නැවත තරගයට එක්වීමට තරම් සුදුසු ශාරීරික මට්ටමක නොමැති බවට තක්සේරු කර ඇත.
ඒ අනුව මෙම ආදේශ කිරීම සඳහා තරග තීරක ඇන්ඩි පයික්‍රොෆ්ට් මහතාගේ අනුමැතිය හිමිව තිබේ.
