ශබ්දයට සංවේදී අරුම පුදුම කුඩා ඩ්‍රෝනයක් ස්විට්සර්ලන්තයෙන්

ස්විට්සර්ලන්තයේ විද්‍යාඥයින් පිරිසක් විසින් ශබ්ද තරංග භාවිතා කරමින් ගුවනේ සහ ජලය මත ගමන් කළ හැකි කුඩා ප්‍රමාණයේ ඩ්‍රෝන යානි නිර්මාණය කර ඇති බව වාර්තා වේ.

මෙම කුඩා යානාවලට "කුහර" (cavities) නම් විශේෂ හිස් ව්‍යුහයන් ලබා දීම මඟින් පර්යේෂකයින් මෙම සාර්ථකත්වය අත්කර ගෙන ඇති බව සඳන් වේ.

මෙම කුහර මඟින් ශබ්දය චාලක බලයක් (propulsion) බවට පරිවර්තනය කළ හැකි අතර, හටගන්නා තෙරපුම් බලයේ ප්‍රමාණය ශබ්දයේ සංඛ්‍යාතය මත රඳා පවතී.

මෙම කුඩා යානාවල "කුහර" වෘත්තාකාර හෝ සීනුවක හැඩැති ලෙස නිර්මාණය කර ඇත.

ශබ්ද තරංග මඟින් ඒවා තුළ ඇති වාතය කම්පනයට පත් කරන විට, චලනය වන වාතය සංයුක්ත ජෙට් යාත්‍රාවක් ලෙස පිටතට තල්ලු වේ.

හෙල්මට් අනුනාදය (Helmholtz resonance) නම් ගුණාංගය මෙහිදී භාවිත කර ඇත.

හෙල්මට් අනුනාදය යනු කුහරයක් (cavity) තුළ ඇති වාතය කම්පනය වීමෙන් යම් විශේෂිත සංඛ්‍යාතයකදී (frequency) ශබ්දයක් හෝ බලයක් නිර්මාණය වීමේ සංසිද්ධියයි (phenomenon).

සරලව උදාහරණයක් දැක්වුවහොත්, හිස් බෝතලයක කට උඩින් හරස් අතට පිඹින විට මතු වන නද හෝ බෝතලයට ජලය පුරවන විට ඇසෙන ශබ්දය වෙනස් වීම මෙම අනුනාදයට කදිම නිදසුනකි.

පර්යේෂකයින් විසින් සෙන්ටිමීටරයක් පමණ දිගැති ආදර්ශ බෝට්ටු ද නිර්මාණය කර ඇති අතර, ස්පීකරයකින් නිකුත් වන ශබ්දයේ සංඛ්‍යාතය වෙනස් කිරීම මඟින් මෙම බෝට්ටු විවිධ දිශාවලට හැසිරවීමට සහ බාධක මඟහරවා ගැනීමට ඔවුන්ට හැකි වී තිබේ.

 මීට අමතරව, කුඩා පියාසර ඩ්‍රෝන යාත්‍රා සමඟද මෙවැනි අත්හදා බැලීම් සිදු කර ඇත.

මෝටර්, ජියර් හෝ චුම්බක කොටස් වෙනුවට හිස් කුහර භාවිතා කරන බැවින් මෙම උපකරණ ඉතා කුඩා හා සැහැල්ලු ලෙස සකස් කළ හැකිය. 

අනාගතයේදී ශබ්දයට සංවේදී ව්‍යුහයන් කිහිපයක් නම්‍යශීලී උපකරණයක තැබිය හැකි බවත්, එයින් ශබ්දයට ප්‍රතිචාර වශයෙන් හැඩය වෙනස් කළ හැකි වායුගතික රොබෝවරුන් බිහි විය හැකි බවත් එම ස්විට්සර්ලන්තයේ විද්‍යාඥයින් පවසා ඇත.

මෙම තාක්ෂණය ශබ්ද තරංග භාවිතයෙන් වස්තු වාතයේ පාවීමට (levitate) සැලැස්වීම සඳහාද මේ වන විට යොදාගෙන ඇත.