දේශසීමාවලදී චීනයෙන් ඉන්දියාවට බලපෑම්
August 17, 2026 06:04 pm
ඉන්දියාවේ මායිම් ප්රාන්තයක් වන අරුනාචල් ප්රදේශ්හි භූමියට චීනය විසින් බලපෑම් කරමින් සිටින බවට චෝදනා එල්ව තිබේ.
මෑත වසරවලදී මතු වූ චීන දේශසීමා ආක්රමණ හමුවේ අග්රාමාත්ය මෝදි නිහඬව සිටීම සම්බන්ධයෙන් විපක්ෂය දැඩි ලෙස විවේචනය කිරීමත් සමඟ මෙය වාර්තා වී ඇති බව ඉන්දීය මාධ්ය පවසයි.
එමෙන්ම 1962 යුද්ධයක පැටලී සිටි දැඩි ප්රතිවාදීන් වන ඉන්දියාව සහ චීනය අතර සබඳතා යථා තත්ත්වයට පත්වීමට උත්සාහ දරන අවස්ථාවක මෙම සත්ය සෙවීමේ වාර්තාව එම උත්සාහයන් කඩාකප්පල් කිරීමට හේතු වී තිබේ.
ඉන්දියාව සහ චීනය අතර කිලෝමීටර 3,488 ක දේශසීමාවක් පවතින අතර, එය ජම්මු සහ කාශ්මීර්, ලඩාක්, සික්කිම් සහ අරුනාචල් ප්රදේශ් වැනි කලාප හරහා දිව යයි.
දේශසීමාවේ විශාල ප්රදේශ මතභේදාත්මක වන අතර, දෙරට පාලනය කරන ප්රදේශ වෙන්කර හඳුනා ගැනීමට නියමිත සැබෑ පාලන රේඛාව සම්බන්ධයෙන්ද ඉන්දියාව සහ චීනය එකඟතාවකට පැමිණ නැත.
