වර්තමාන රජය පවසන ආකාරයට පොහොසත් රට සහ ලස්සන ජිවිතය නිර්මාණය වන්නේ ගොවියාට, ධීවරයාට, ව්යවසායකයාට, කර්මාන්තකරුවන්ට ශක්තිය දී අධ්යාපනය හා සෞඛ්ය ශක්තිමත් කිරීමෙන් නොව අධිකරණ පද්ධතියේ විනිසුරුවන්ගේ විශ්රාම වයස වැඩි කිරීමෙන් බව විපක්ෂ නායක සජිත් ප්රේමදාස මහතා පවසයි.
අධිකරණයේ විනිසුරුවන්ගේ විශ්රාම වයස වැඩි කිරීමෙන් ජනතාව මුහුණ දෙන ගැටලුවලට විසදුම් ලැබෙනවාද කියා ප්රශ්න කර බවත් විපක්ෂ නායකවරයා පැවසීය.
මේ අතර, එදා එක්තරා දේශපාලන නායකයෙක් වේදිකාවක නැග දැන් සැපද, හොඳ ද සුබවාදීද ලෙස ප්රශ්න කළ බවත් අද ජනතාව අපේක්ෂා කළ පොහොසත් රට සහ ලස්සන ජිවිතය අද බිහි වී ඇත් ද කියා ජනතාවගෙන් ප්රශ්න කරන බවත් ඔහු පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ කිරින්ද ධීවර වරාය ආශ්රිතව සිය ජීවිකාව ගෙන යන ධීවර ජනතාව මුහුණ දෙන ගැටලු සම්බන්ධයෙන් සොයා බැලීමට ගිය අවස්ථාවේ දී ය.
මේ රජය රටේ ප්රශ්න ජනතාවගේ ප්රශ්න අමතක කර අලුත් ආණ්ඩුක්රම ව්යවස්ථා සංශෝධනයක් ගෙනවිත් රටත් ප්රජාතන්ත්රවාදයත් විනාශ කර ඒකාධිපති පාලනයක් ස්ථාපිත කර රටේත් ලක්ෂ 220කගේත් පාලනය සියතට ගැනීමට උත්සාහ කරන බවද පැවසීය.
ඒ සඳහා විනිසුරුවන්ගේ විශ්රාම වයස වැඩි කිරීමට යන බවත් එය අධිකරණයේ ස්වාධීනත්වයට මරු පහරක් සේම ප්රජාතන්ත්රවාදය බිඳවැටී නීතියේ ආධිපත්ය විනාශ වී යුක්තිය පසිදලීමේ යාන්ත්රණය අකර්මන්ය වන බවත් එවිට රටේ ඒකාධිපති පාලනයක් එක පක්ෂයක් රටම පාලනය කරන යුගයක් බිහි වන බවත් විපක්ෂ නායකවරයා පැවසීය.
මේ රජය ජනතාව කරපිට ගහන බදු අඩු කරන බවට, 33%කින් විදුලි බිල අඩු කිරීම වරායේ ගොඩබාන මිලට ඉන්ධන ලබා දෙන බව පැවසුවත් අද වන විට ඒ කිසිවක් නොමැති බවත් ගොවියාගේ උපකරණවලට සේම ධීවර උපකරණවලට පාසල් උපකරණවලට පවා වැට් බදු පනවන බවත් බදු පිට බදු ගසා අහිංසක රටේ ජනතාව අසීමිත ආර්ථික පීඩනයකට ලක් කරන බවත් රටේ ප්රතිපත්තිය නිසා ආර්ථිකය කුඩා වී මිනිසුන් සතුව මුදල් නොමැති බවත් ජිවත් වෙන්න නොහැකි තත්ත්වයක් උද්ගත වී ඇති බවත් විපක්ෂ නායකවරයා පැවසීය.
එලෙසම රැකියා ප්රශ්නයට විසදුම් නොමැති බවත් කර්මාන්තශාලා බිහි කිරීම වෙනුවට කර්මාන්තශාලා රට අතහැර යන තත්ත්වයක් මතුව තිබෙන බවත් ඔහු පවසයි.
මෙමගින් තරුණයන්ගේ ගැටලුවලට රජයට විසදුම් නොමැති බවත් දුප්පත්කම 30-40%ක් වී ඇති නමුත් මෙම ප්රශ්න සඳහා පිළිතුරු නොමැති වුවාට රට තුළ ඒකාධිපති ආඥාදායක පාලනයක් ස්ථාපිත කිරීමට රජය කටයුතු කරන බවත් රටේ සෑම ප්රශ්නයකට විසදුම විනිසුරුවන්ගේ විශ්රාම වයස වැඩි කිරීම බවත් විපක්ෂ නායකවරයා පැවසීය.
මේ වසරේ ජන සංඛ්යා ලේඛන දෙපාර්තමේන්තුවට අනුව මැයි මාසයේ ජීවත් වීමට රු. 17000ක් ප්රමාණවත් බවත් දින 30ක් ජිවත් වීමට මෙම මුදල ප්රමාණවත් ද කියා අප ප්රශ්න කළ යුතු බවත් රජය ජීවත් වන්නේ සුරංගනා ලෝකයක බවත් ජනතාව මේ තොරතුරුවලින් සවිබල ගැන්විය යුතු බවත් වැඩිදුරටත් අදහස් පළ කරමින් විපක්ෂ නායක සජිත් ප්රේමදාස මහතා පැවසීය.
