අයහපත් කාලගුණයෙන් හැටන් ලංගම ඩිපෝවේ දෛනික ආදායම ලක්ෂ 10කට බහී

පවතින දැඩි අයහපත් කාලගුණය හමුවේ හැටන් ලංගම ලක්ෂ 33ක් වූ දෛනික ආදායම ලක්ෂ 10-12ත් දක්වා පහළ වැටී ඇති බව සඳහන් වෙයි.

මධ්‍යම කදුකරයේ බටහිර බෑවුම් ප්‍රදේශවල පවතින දැඩි අයහපත් කාලගුණය සහ ප්‍රධාන මාර්ගවල රථවාහන ගමනාගමනයට බාධා ඇතිවීමෙන් හැටන් ලංගම ඩිපෝවේ දෛනික ආදායම රු.ලක්ෂ 33 සිට රු.ලක්ෂ 10-12ත් දක්වා පහළ බැස ඇති බව හැ්ටන් ලංගම ඩිපොවේ කලමණාකරු පාලිත විරසූරිය මහතා පැවසීය.

මාධ්‍යට විශේෂ ප්‍රකාශයක් කරමින් ඩිපෝ කළමණාකාරවරයා කියා සිටියේ, සාමාන්‍ය දිනවල තම ඩිපෝව මගින් දුර සහ කෙටි දුර බස් රථ 75ක් ධාවනයට එක් කරන බවයි.

එම අවස්ථාවල මගීන් 18000-26000ක් පමණ තම ඩිපෝවේ බස් රථවල ගමන් කලද පවතින දැඩි වර්ෂාවත් සමග ගත වූ 03/04/05 යන තෙදින තුල දිනකට මගීන් 9218 – 10000ත් අතර ප්‍රමාණයක් ගමන් කිරිම නිසා මෙම ආදායම් තත්ත්වය පහළ වැටී ඇති බව ඩිපෝ කලමණාකාරවරයා පැවසීය.

පවතින අයහපත් කාලගුණයත් සමඟ පාසල් නිවාඩු ලබාදීම, මගීන් නිවෙස්වලින් බැහැර නොවීම හේතුවෙන් මෙම මගීන් සංඛ්‍යාව අඩු වී ඇති බවයි.

තවද, තම ඩිපෝවේ සේවකියන් 328 දෙනෙකු සේවය කරන බවත්, ඔවුන්ට මේ මස වැටුප ගෙවීමට අවශ්‍ය රු. ලක්ෂ 138ක පමණ මුදල මේ වන විට උපයාගෙන ඇති බවද ඩිපෝකළමණාකාරවරයා වැඩි දුරටත් පැවසීය.