බාහිර ආයෝජකයින් සම්බන්ධ කරගනිමින් නව පුද්ගලික ආයෝජක සැලැස්මක් ක්‍රියාත්මක කිරීමට ජාත්‍යන්තර පාපන්දු සම්මේලනය (FIFA) කටයුතු කළහොත්, එළැඹෙන ලෝක කුසලාන තරගාවලිය වර්ජනය කරන බවට යුරෝපීය පාපන්දු සම්මේලනය (UEFA) අනතුරු අඟවා තිබේ.

ලෝක කුසලානය ඇතුළු අනෙකුත් ප්‍රධාන තරගාවලි පවත්වාගෙන යාම සඳහා ඩොලර් බිලියන 20ක වටිනාකමකින් යුත් නව අනුබද්ධිත ආයතනයක් නිර්මාණය කරන බවත්, එහි 20%ක කොටස් බාහිර ආයෝජකයින්ට විකිණීමට බලාපොරොත්තු වන බවත් ලෝක පාපන්දු පාලක මණ්ඩලය (FIFA) පසුගිය අඟහරුවාදා ප්‍රකාශ කර තිබුණි.

FIFA ආයතනයේ මෙම පුද්ගලික ආයෝජන සැලැස්මට දැඩි විරෝධය පළ කරමින්, ලෝක කුසලානය සහ අනෙකුත් සියලුම FIFA තරගාවලි වර්ජනය කිරීම සඳහා UEFA සාමාජික සංගම් අද (30) පැවති රැස්වීමකදී ඒකමතිකව ඡන්දය ප්‍රකාශ කර ඇත.