පාසල් ළමුන්ගේ ලිපිද්රව්ය දීමනා සම්බන්ධයෙන් දැනුම්දීමක්
July 13, 2026 03:37 pm
පාසල් වයසේ පසුවන දරුවන් සඳහා ලිපිද්රව්ය මිලදී ගැනීමට දීමනා ලබාදීමේ 2026 වැඩසටහනට අදාළව, ප්රතිලාභී තොරතුරු ඇතුළත් කිරීම ඇතුළු අත්යවශ්ය කටයුතු අවසන් වන දින වකවානු අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය විසින් නිවේදනය කර තිබේ.
අමාත්යාංශය අවධාරණය කර සිටින්නේ නියමිත කාලසීමාවන්ගෙන් පසුව මේ සඳහා නැවත කිසිදු දින දීර්ඝ කිරීමක් සිදු නොකරන බවය.
ඒ අනුව, අදාළ වැඩසටහනේ අවසන් දින වකවානු පහත පරිදි වේ.
ප්රතිලාභී තොරතුරු ඇතුළත් කිරීමේ අවසන් දිනය: 2026 ජූලි 25 වනදා.
ප්රතිලාභී තොරතුරු තහවුරු කිරීමේ අවසන් දිනය 2026 ජූලි 27 වනදා
වවුචර්පත් පරිලෝකනය කිරීමේ අවසන් දිනය - 2026 අගෝස්තු 30 වනදා
නියමිත දින වකවානුවලින් පසුව කිසිදු අයුරකින් කාලය දීර්ඝ නොකරන බැවින්, අදාළ සියලුම පාර්ශවයන් නියමිත දිනට පෙර මෙම තොරතුරු යාවත්කාලීන කර අවසන් කළ යුතු බව අධ්යාපන අමාත්යාංශය වැඩිදුරටත් දන්වා සිටියි.
