ගායන ශිල්පී රුක්මන් අසිතගේ අවසන් කටයුතු හෙට

අභාවප්‍රාප්ත ගායන ශිල්පී රුක්මන් අසිත මහතාගේ දේහය පිළිබඳ අවසන් කටයුතු හෙට (02) සිදුකිරීමට නියමිතය.

පසුගිය ජූනි මස 29 වනදා කොළඹ ජාතික රෝහලේ දී ඇති වූ හෘදයාබාධයක් හේතුවෙන් අභාවප්‍රාප්ත වූ ඒ මහතාගේ අවසන් කටයුතු හෙට සවස 4ට කිරිබත්ගොඩ, මාකොළ, නෙල්ලිගහ පොදු සුසාන භූමියේදී සිදුකෙරේ. 

වකුගඩු රෝගී තත්ත්වයට ප්‍රතිකාර ලබාගැනීම සඳහා මීට ටික කලකට පෙර ජාතික රෝහලට ඇතුළත් කර ප්‍රතිකාර ලබමින් සිටියදී ඒ මහතා මෙලෙස හදිසියේ ඇති වූ හෘදයාබාධයකින් ජීවිතක්ෂයට පත්වුණි. 

රුක්මන් අසිත මහතා මියයන විට 48 වියේ පසුවුණි.