අමෙරිකානු ගුවන් හමුදාව විසින් ඉරානයේ මිසයිල සහ ඩ්රෝන යානා ගබඩාවලට ප්රහාර මාලාවක් එල්ල කර තිබේ.
ඉරානය විසින් හෝමූස් සමුද්ර සන්ධියේදී නැවකට එල්ල කළ බව කියන ප්රහාරයට ප්රතිචාරයක් ලෙසට මෙය සිදු කර ඇති බව විදෙස් මාධ්ය වාර්තාවල දැක්වේ.
එමෙන්ම ඉරාන වෙරළබඩ රේඩාර් මධ්යස්ථානය වෙත ද ප්රහාර එල්ලවී ඇති බව සඳහන්ය.
මේ සම්බන්ධයෙන් අමෙරිකානු ජනාධිපති ඩොනල්ඩ් ට්රම්ප්, සිය 'Truth Socialහි සටහනක් තබමින් ප්රකාශ කර ඇත්තේ, සටන් විරාම ගිවිසුම ඉරානය විසින් නැවත වතාවක් උල්ලංඝනය කර ඇති බවය.
ඔවුන් කිසිදා ඉගෙන නොගන්නා බව පෙනෙන්නට තිබෙන බවත්, ඉදිරියේදී තවදුරටත් සාධාරණ ලෙස කටයුතු කිරීමට නොහැකි බවත් අදාළ සටහනේ දක්වා තිබේ.
එසේ වන්නේ නම් මීට පෙර තමන් විසින් ඉතා සාර්ථකව ආරම්භ කළ මිලිටරි ක්රියමාර්ගය සම්පූර්ණයෙන්ම අවසන් කිරීමට සිදුවනු ඇති බව ජනාධිපති ඩොනල්ඩ් ට්රම්ප් සඳහන් කරයි.
එය එසේ වන්නේ නම් ඉරාන ඉස්ලාමීය ජනරජය මෙලොවින් සදහටම නැතිවී යනු ඇති බව ඔහු වැඩිදුරටත් අනතුරු අඟවා තිබේ.
