ඇමසන් සමාගමේ ප්‍රධාන විධායක නිලධාරියා සංචාරයක් සඳහා ඉන්දියාවට පැමිණ තිබේ.

එහිදී ඔහු අග්‍රාමාත්‍ය නරේන්ද්‍ර මෝදි හමුවී නව ආයෝජන සැලසුම් පිළිබඳව සාකච්ඡා පවත්වා ඇති බව විදෙස් මාධ්‍ය වාර්තා කරයි.

මෙම සාකච්ඡාවේදී ඉන්දියාවේ ආර්ථික සංවර්ධනය වෙනුවෙන් ඇමසන් සමාගමට ඉටුකළ හැකි දිගුකාලීන දායකත්වය පිළිබඳව සාකච්ඡා කර තිබේ.

ඇමසන් සමාගම ඉන්දියාවේ විශාලතම විදේශීය ආයෝජකයා සහ විද්‍යුත් වාණිජ්‍ය අපනයන දිරිගන්වන්නා බවට පත්වනවාට අමතරව, කෘත්‍රිම බුද්ධිය සහ ක්ලවුඩ් යටිතල පහසුකම් වෙනුවෙන් ඉන්දියාවේ ආයෝජනය කරන ලොව විශාලතම ගෝලීය සමාගම්වලින් එකක් බවට ද පත්වනු ඇත.

මෙහිදී අදහස් දැක්වූ ඇමසන් සමාගමේ ප්‍රධාන විධායක නිලධාරියා ඉන්දියාව වෙනුවෙන් නිපදවා පසුව ලොව පුරා අනෙකුත් රටවලට ද ව්‍යාප්ත කරන ලද නවෝත්පාදනයන් පිළිබඳව පෙන්වාදී තිබේ.

ඉන්දියාවේදී අත්හදා බැලීමක් ලෙස ආරම්භ කර මේ වනවිට ගෝලීය වෙළඳපොළ පුරා සාර්ථකව ක්‍රියාත්මක වන Amazon Now සේවාව ඒ අතරින් ප්‍රධාන වෙයි.