පාකිස්තාන පාලනය යටතේ පවතින කාෂ්මීර කලාපයේ විරෝධතාකරුවන් සහ පොලිසිය අතර සති දෙකකට ආසන්න කාලයක් තිස්සේ පවතින දැඩි නොසන්සුන්කාරී තත්ත්වය හේතුවෙන් අර්බුද රැසක් මතුවී ඇතැයි විදෙස් මාධ්‍ය පවසයි.

ඒ අතර දැඩි ආහාර හිඟය ප්‍රධාන තැනක් ගෙන ඇති බව වාර්තා වෙයි.

එසේම දෙපාර්ශ්වය අතර හටගත් ගැටුම්වලින් මියගිය සංඛ්‍යාව 22 දක්වා ඉහළ ගොස් ඇති බවද විදෙස් මාධ්‍ය පවසයි.

ආර්ථික හා පාලන ප්‍රතිසංස්කරණ ඉල්ලා සිටින රජයට විරෝධී ව්‍යාපාරයක් වන JAAC නමැති සංවිධානය, ත්‍රස්තවාදය වැළැක්වීමේ පනත යටතේ මේ මාසයේදී තහනමට ලක් කර තිබියදී පවා සිය විරෝධතා අඛණ්ඩව ඉදිරියට රැගෙන යමින් සිටී.

ජූනි මස මුලදී මෙම නොසන්සුන්තා ආරම්භ වූ දා සිට මේ දක්වා ‘JAAC’ සංවිධානයට සම්බන්ධ පුද්ගලයන් 425 දෙනෙකු අත්අඩංගුවට ගෙන ඇති බව පොලිසිය පසුගියදා පවසා තිබුණි.