අමෙරිකාවෙන් ඉරානයට ගුවන් ප්රහාර මාලාවක්
June 10, 2026 06:14 am
අමෙරිකාව විසින් ඉරානයට එරෙහිව ගුවන් ප්රහාර මාලාවක් දියත් කළ බව එක්සත් ජනපද මධ්යම අණදෙන විධානය සමාජ මාධ්ය ඔස්සේ නිවේදනයක් නිකුත් කරමින් ප්රකාශ කර තිබේ.
එම ප්රහාර මීට සුළු වේලාවකට පෙර ආරම්භ කර ඇති අතර, ඔමාන් වෙරළ ආසන්නයේ අමෙරිකානු යුද හමුදාවේ Apache හෙලිකොප්ටරයක් බිඳ හෙළීමේ සිද්ධියට ප්රතිචාර වශයෙන් මෙම ක්රියාමාර්ග ගෙන ඇති බව සඳහන් වේ. එය ආරක්ෂාව වෙනුවෙන් දියත්කළ ප්රහාර ලෙසද විස්තර කර ඇත.
විදෙස් මාධ්ය වෙත අදහස් දක්වා ඇති අමෙරිකානු නිලධාරියෙකු පවසා ඇත්තේ, මෙම ප්රහාර ඉරානය වෙත අනතුරු ඇඟවීමක් ලෙස සිදු කරන ලද අතර, යුද්ධය අවසන් කිරීම සඳහා පවතින සාකච්ඡාවලට එය බාධාවක් නොවනු ඇතැයි අමෙරිකාව විශ්වාස කරන බවය.
මූලික ප්රහාර මගින් හෝමූස් සමුද්ර සන්ධිය අවට පිහිටි ගුවන් ආරක්ෂක සහ රේඩාර් පද්ධති ඉලක්ක කර ඇති බවද වාර්තා වේ. තවදුරටත් ප්රහාර සිදු විය හැකි බවද විදෙස් ආරංචි මාර්ග සඳහන් කරයි.
අදාළ හෙලිකොප්ටරය සඳුදා දින ඉරාන ෂාහෙඩ් ඩ්රෝනයක් මගින් ප්රහාරයට ලක්ව ඇති බව වාර්තා වන අතර, එය හිතාමතා ඉලක්ක කළ ප්රහාරයක්ද නැතහොත් අහම්බෙන් සිදුවූ පහරදීමක්ද යන්න තවමත් පැහැදිලි නැති බව ඇමරිකානු නිලධාරීන් පවසයි.
හෙලිකොප්ටරයේ සිටි නියමුවන් දෙදෙනාට තුවාල සිදුව නොමැති අතර, ඔවුන් අමෙරිකානු නියමුවෙකු රහිත ඩ්රෝන් යාත්රාවක් මගින් බේරාගෙන ඇති බව අමෙරිකානු ජනාධිපති ඩොනල්ඩ් ට්රම්ප් ප්රකාශ කර තිබේ.
