ෆේස්බුක් සාදයක් වටලා 28ක් අත්අඩංගුවට
June 7, 2026 02:05 pm
අම්බලන්ගොඩ, පෝනදූව ප්රදේශයේදී ෆේස්බුක් සාදයක් වටලා සැකකරුවන් 25දෙනෙකු හා සැකකාරියන් 03දෙනෙකු අත්අඩංගුවට ගෙන තිබේ.
අම්බලන්ගොඩ පොලිස් ස්ථානයේ හා අම්බලන්ගොඩ පොලිස් විශේෂ කාර්ය බලකායේ නිලධාරීන් කණ්ඩායමක් සිදු කළ වැටලීමක දී මෙම පිරිස අත්අඩංගුවට ගෙන ඇත.
ඔවුන් සන්තකයේ තිබී කොකේන් මිලිග්රෑම් 225ක්, අයිස් මත්ද්රව්ය ග්රෑම් 08 මිලිග්රෑම් 125ක්, ගංජා ග්රෑම් 02 මිලිග්රෑම් 400ක් හා නීති විරෝධී සිගරට් ද සොයා ගත් බව පොලීසිය පැවසීය.
අත්අඩංගුවට ගත් සැකකරුවන් හා සැකකාරියන් අවරුදු 18ත් 44 අතර වයස්වල පසුවන බටපොල, ඌරගස්ම හංදිය, බලපිටිය, හෝමාගම, බේරුවෙල, අම්බලන්ගොඩ, මීටියාගොඩ, වතුගෙදර හා අහුංගල්ල ප්රදේශවල පදිංචිකරුවන් වේ.
අම්බලන්ගොඩ පොලීසිය සිද්ධිය සම්බන්ධයෙන් වැඩිදුර විමර්ශන සිදු කරයි.
