මෙම වසර තුළ සමෘද්ධි සුව බොජුන්හල් 100ක් ආරම්භ කිරීමට සැලසුම්
June 1, 2026 09:51 am
ග්රාමීය දිළිඳුකම තුරන් කිරීම සඳහා සමෘද්ධි සංවර්ධන දෙපාර්තමේන්තුව විශාල කාර්යභාරයක් ඉටු කරමින් සිටින බවත් ඒ සඳහා සමෘද්ධි සංවර්ධන දෙපාර්තමේන්තුව ශක්තිමත්ව ඉදිරියට ගෙන යා යුතු බවත් ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්ය ආචාර්ය උපාලි පන්නිල මහතා පවසයි.
අමාත්යවරයා මේ බව සඳහන් කළේ අඩු ආදායම්ලාභී පවුල් සවිබලගැන්වීමේ අරමුණින් දීපව්යාප්තව ක්රියාත්මක කරන සමෘද්ධි සුව බොජුන්හල් ව්යපෘතියේ තවත් එක් සුව බොජුන් හලක් මාතලේ දිස්ත්රික්කයේ විවෘත කිරීමේ අවස්ථාවට එක්වෙමිනි.
මෙය සමෘද්ධි සුවබොජුන් හල් ව්යාපෘතියේ 51 වන සුව බොජුන් හල වේ.
තවද කුඩා හා මධ්ය පරිමාණ ව්යවසයකයන් ඉහළට ඔසවා තැබීම වෙනුවෙන් සමෘද්ධි සංවර්ධන දෙපාර්තමේන්තුව දැවැන්ත කාර්යභාරයක් ඉටු කරමින් සිටින බවද අමාත්යවරයා මෙහිදී අවධාරණය කළේය.
2026 වර්ෂය ඇතුළත සමෘද්ධි සුව බොජුන් හල් 100ක් ආරම්භ කිරීමට සැලසුම් කර ඇති බවත්, ඒ මගින් අඩු ආදායම්ලාභී පවුල් සවිබලගැන්වීමේ ක්රියාවලිය වේගවත් කිරීමට අපේක්ෂා කරන බවත් අමාත්යවරයා මෙහිදී වැඩිදුරටත් සඳහන් කළේය.
