පාකිස්තානය විසින් නිකුත් කරන ලද නිල දත්තවලට අනුව, එරට 2025-26 මුදල් වර්ෂයේ පළමු මාස 10 තුළ අමෙරිකානු ඩොලර් බිලියන 11කට ආසන්න බාහිර ණය ප්රමාණයක් ලබාගෙන ඇති බව පැවසෙයි.
මෙය පසුගිය මුදල් වර්ෂයේ එම කාලසීමාවට සාපේක්ෂව සියයට 83ක කැපී පෙනෙන වර්ධනයකි.
එම දත්ත වලට අනුව, රජය 2025 ජූලි සහ 2026 අප්රේල් අතර කාලය තුළ ඩොලර් බිලියන 11ක විදේශ ණය සහ මූල්ය පහසුකම් ලබාගෙන ඇති අතර, පසුගිය වසරේ අදාළ කාලසීමාව තුළ ඔවුන් ලබාගෙන තිබුණේ ඩොලර් බිලියන 6කට ආසන්න මුදලකි.
වත්මන් මුදල් වර්ෂය සඳහා රජය අපේක්ෂා කරන සමස්ත බාහිර මූල්ය සම්පාදනය ඩොලර් බිලියන 19.39ක් වන අතර, මැයි සහ ජූනි මාසවලදී තවත් ණය ලබා ගැනීමට බලාපොරොත්තු වෙන බව පැවසෙයි.
එම සංඛ්යාලේඛන පෙන්වා දෙන්නේ බාහිර මූල්ය ගලා ඒමේ ශීඝ්ර වර්ධනයක් පෙන්නුම් කරමින්, අප්රේල් මාසයේදී පමණක් පාකිස්තානයට ඩොලර් බිලියන 4.5ක් ලැබී ඇති බවය.
