බංග්ලාදේශය පුරා සරම්ප රෝගීන් වාර්තා වීම ශීඝ්රයෙන් ඉහළ යමින් පවතින පසුබිමක, දරුවන් රැසක් සරම්ප ආසාදනය වීමෙන් මියගොස් ඇති බව එරට සෞඛ්ය බලධාරීන් තහවුරු කර ඇත.
මේ හේතුවෙන් තම දරුවන්ට නිසි පරිදි සරම්ප එන්නත ලබා දෙන ලෙස එරට රජය මව්පියන්ගෙන් ඉල්ලා තිබේ.
පසුගිය මාර්තු මාසයේ සිට රෝගීන් වාර්තා වීම ඉතා වේගයෙන් ඉහළ ගොස් ඇති අතර, විශේෂයෙන්ම අඩු ආදායම්ලාභී ප්රජාවන්ට මෙයින් දැඩි බලපෑමක් එල්ලවී ඇතැයි පැවසෙයි.
විදෙස් වාර්තා පෙන්වා දෙන්නේ ඇතැම් වෛද්ය පහසුකම් සපයන මධ්යස්ථාන රෝගීන්ගෙන් පිරී ඉතිරී ගොස් ඇති බවය.
සෞඛ්ය බලධාරීන් විසින් රට පුරා රසායනාගාර පරීක්ෂණ මඟින් තහවුරු කරගත් සරම්ප ආසාදිතයන් 8,700 කට වඩා හඳුනාගෙන ඇත.
එක්සත් ජාතීන්ගේ සංවිධානයේ සහාය ඇතිව බංග්ලාදේශ රජය පසුගිය මාසයේ සිට දැවැන්ත එන්නත් කිරීමේ වැඩසටහනක් ක්රියාත්මක කරමින් සිටී. සරම්ප යනු ඉතා වේගයෙන් බෝවන රෝගයකි. පූර්ණ ලෙස එන්නත් ලබා නොදුනහොත්, ළදරු සහ කුඩා දරුවන් මෙමඟින් බරපතල ලෙස රෝගාතුර වීමේ හෝ මියයාමේ දැඩි අවදානමකට ලක්වෙයි.
එක්සත් ජාතීන්ගේ නිලධාරීන් ප්රකාශ කළේ, දීර්ඝ කාලයක් එරට පාලනය කළ හසීනාගේ ඉල්ලා අස්වීමට හේතු වූ 2024 දේශපාලන නැගිටීමෙන් පසුව, රට තුළ එන්නත්කරණ කටයුතු නිසි පරිදි සිදු නොවූ බවය.
