කෙන්යාවේ ගිල්ගිල් ප්රදේශයේ නේවාසික පාසලක ඇති වූ ගින්නකින් සිසුන් 16දෙනෙකු ජීවිතක්ෂයට පත්ව තිබේ.
තවත් සිසුන් 74දෙනෙකු රෝහල්ගතව ප්රතිකාර ලබන බවද විදෙස් මාධ්ය වාර්තා කළේය.
මෙම ගින්න හටගෙන ඇත්තේ අලුයම වන අතර එම අවස්ථාව වන විට සිසුන් නිදාගෙන සිට ඇති බවද සඳහන්.
ගින්නට හේතුව මෙතෙක් අනාවරණය වී නොමැති අතර ඔවුන් සෙවීමේ සහ මුදාගැනීමේ මෙහෙයුම් ක්රියාත්මක වෙමින් පවතින බව එරට පොලිසිය පැවසීය.
කෙන්යාවේ නේවාසික පාසල්වල ගිනිගැනීම් දුර්ලභ නොවන අතර, මෑත වසරවලදී එවැනි මාරාන්තික සිදුවීම් කිහිපයක්ම වාර්තා වී ඇත.
විශාල පිරිසක් මියයෑමට සහ තුවාල ලැබීමට ප්රධානතම හේතුව වී ඇත්තේ නේවාසිකාගාරවල පවතින අධික තදබදය සහ ආරක්ෂිත උපදෙස් පිළිපැදීමට අපොහොසත් වීමය.
එරට වෙලාවෙන් අලුයම 01:00ට පමණ මෙම ගින්න හටගෙන ඇති අතර, එය සිසුන් 220දෙනෙකු පමණ සිටි නේවාසිකාගාර ගොඩනැඟිල්ලක් වෙත වේගයෙන් පැතිර ගොස් ඇත.
කෙසේවෙතත් එරට බලධාරීන් සඳහන් කරන්නේ ගින්නත් සමග ඇති වූ කලබලකාරී තත්ත්වය හමුවේ සමහර සිසුන් අවට ප්රදේශවලට පලාගොස් ඇති බවය.
එමෙන්ම සමහර සිසුන් ගින්නෙන් බේරීමට උත්සාහ කිරීමේදී නේවාසිකාගාරයේ ඉහළ මහලෙන් බිමට පැනීම නිසා තුවාල ලබා ඇති බව ද සඳහන්.
