වත්කම් බැරකම් ප්රකාශ පිළිබඳව නිවැරදි නොවන දැනුවත් කිරීමක් ගැන අල්ලස් කොමිසමෙන් දැනුම්දීමක්
May 26, 2026 08:33 pm
මධ්යගත ඉලෙක්ට්රොකින පද්ධතිය මගින් වත්කම් සහ බැරකම් ප්රකාශ ඉදිරිපත් කිරීම පිළිබඳව විවිධ බාහිර පාර්ශ්වයන් විසින් සිදුකරන ලබන නිවැරදි නොවන දැනුවත් කිරීම් සම්බන්ධව අල්ලස් හෝ දූෂණ චෝදනා විමර්ශන කොමිෂන් සභාව නිවේදනයක් නිකුත් කර තිබේ.
එහි සඳහන්ව ඇත්තේ වත්කම් සහ බැරකම් ප්රකාශ ඉදිරිපත් කළ යුතු තැනැත්තන් සඳහා වත්කම් සහ බැරකම් ප්රකාශ කිරීමට අල්ලස් හෝ දූෂණ චෝදනා විමර්ශන කොමිෂන් සභාව විසින් ස්ථාපිත කර ඇති මධ්යගත ඉලෙක්ට්රොනික පද්ධතිය පිළිබඳව, එම පද්ධතියට තොරතුරු ඇතුළත් කිරීම පිළිබඳව සහ පද්ධතියට ප්රවේශ වීම පිළිබඳව කොමිෂන් සභාවේ නිලධාරීන් නොවන වෙනත් පුද්ගලයින් විසින් විවිධ දැනුවත් කිරීම් සිදුකරන බවට මේ වන විට නිරීක්ෂණය වී ඇති බවය.
මෙලෙස සිදුකරන ලබන දැනුවත් කිරීම්වලදී නිවැරදි නොවන තොරතුරු සහ මෙම ඉලෙක්ට්රොනික පද්ධතියේ භාවිතය පිළිබඳව නිවැරදි නොවන ක්රමවේදයන් අදාළ පුද්ගලයින් විසින් සන්නිවේදනය කරනු ලබන බවද කොමිෂන් සභාවට මේ වන විට නිරීක්ෂණය වී ඇති බවත් අදාළ නිවේදනයේ සඳහන් වේ.
එබැවින් කොමිෂන් සභාව හෝ එහි නිලධාරීන් නොවන වෙනත් බාහිර පුද්ගලයින් විසින් සිදුකරනු ලබන එවැනි දැනුවත් කිරීම් පිළිබඳව අල්ලස් හෝ දූෂණ චෝදනා විමර්ශන කොමිෂන් සභාව විසින් වගකීමක් දරනු නොලබන බවත් එම කොමිසම අදාළ නිවේදනව මගින් දැනුවත් කර තිබේ.
වත්කම් හා බැරකම් ප්රකාශ කිරීම පිළිබඳව වන මධ්යගත ඉලෙක්ට්රොනික පද්ධතියට තොරතුරු ඇතුළත් කිරීම සම්බන්ධව වතුවන ගැටලු පිළිබඳව කොමිෂන් සභාවේ වත්කම් බැරකම් ප්රකාශ අංශයේ 0767011954 සහ 0112587284 යන දුරකථන අංක මගින් පමණක් නිරාකරණය කර ගත හැකි බවත් ඒ අනුව මහජනතාව අදාළ දුරකථන අංක අමතන ලෙසත් අල්ලස් හෝ දූෂණ චෝදනා විමර්ශන කොමිෂන් සභාව අදාළ නිවේදනයේ වැඩිදුරටත් සඳහන් කර ඇත.
