දික්ඔය අඹුසැමි යුවළ ඝාතනයේ සැකකරු අත්අඩංගුවට

හැටන්, දික්ඔය නගරයේ වෙළෙඳසැලක සිටි අඹුසැමි යුවළක් ගෙල කපා ඝාතනය කර පවුම් 18ක ස්වර්ණාභරණ රැගෙන පලා ගිය සැකකරු අද (23)  පස්වරුවේ අත්අඩංගුවට ගත් බව හැටන් ජේෂ්ඨ පොලිස් අධිකාරි ප්‍රදිප් විරසේකර මහතා පැවසීය.

සැකකරු බගවන්තලාව පොලිස් වසමට අයත් පෙට්‍රසෝ තේ වත්තේ නිවසක සැගව සිටියදී, තමන්ට ලැබුණු තොරතුරක් මත අත්අඩංගුවට ගත් බව හෙතෙම පැවසීය.

සැකකරු විසින් රැගෙන ගිය ස්වර්ණාභරණද පොලිස් භාරයට ගත් බව ජේෂ්ඨ පොලිස් අධිකාරිවරයා වැඩිදුරටත් සඳහන් කළේය.

බදුල්ල ප්‍රදේශයේ පදිංචි සැකකරු, දික්ඔය ප්‍රදේශයේ විවාහ වී සිටි බව මූලික විමර්ශනයේදී අනාවරණය ගෙන ඇත.

අඹුසැමි යුවල ඝාතනයෙන් පසු ඔහු මුහුණු පොත ඔස්සේ හදුනාගත් කාන්තාවකගේ බගවන්තලාව ප්‍රදේශයේ නිවසක සැගව මෙලෙස අත්අඩංගුවට පත්ව තිබේ.

මියගිය අඹුසැමි යුවලගේ දේහ ඔවුන් ඝාතනයට ලක්වූ වෙළෙඳසැලේම තැන්පත් කර ඇති අතර, අවසන් කටයුතු හෙට (24) දික්ඔය පොදු සුසාන භූමියේදි සිදු කිරිමට නියමිතය.