සයුරෙන් එතෙර
චන්ද්රයාන්-3 මෙහෙයුම අමෙරිකාවේදී සම්මානයට
May 22, 202609:10 PM
ඉන්දියාවේ Chandrayaan-3 මෙහෙයුම 2026 Goddard Astronautics Award අභ්යවකාශ ගෞරව සම්මානයෙන් පිදුම් ලබා තිබේ.
ඉන්දීය මාධ්ය වාර්තා කරන්නේ අමෙරිකානු ගුවන් හා ගගනගාමී ආයතනය විසින් වොෂින්ටන් ඩීසී හිදී මෙම ගෞරව සම්මාන ලබාදුන් බවය.
විද්යාඥයන් විසින් සඳ මතුපිට ඇති වැදගත්ම සහ අවම වශයෙන් ගවේෂණය කරන ලද කලාපයක් ලෙස සලකනු ලබන, සඳෙහි දකුණු ධ්රැවය ආසන්නයට සාර්ථකව මෘදු ගොඩබෑමක් සිදු කළ අභ්යවකාශ යානය බවට පත්වෙමින් චන්ද්රයාන්-3 ලෝක ප්රසිද්ධ පුවත් මවන්නෙකු වී වසර තුනකට පමණ පසු මෙම ඇගයීම හිමි වී ඇත.
අමෙරිකා එක්සත් ජනපදයේ ඉන්දීය තානාපතිවරයා ඉන්දීය අභ්යවකාශ පර්යේෂණ සංවිධානය වෙනුවෙන් මෙම ගෞරව සම්මානය භාරගෙන තිබේ.
