ගිනිඅවි පතරොම් සහ තවත් දෑ සමඟ දෙදෙනෙකු අත්අඩංගුවට

පොල් ඉඩමක පිහිටි නිවසක් තුළ තිබී දිවි හමක්, ගිනිඅවි කිහිපයක් සහ පතරොම් කිහිපයක් සන්තකයේ තබාගෙන සිටි පුද්ගලයින් දෙදෙනෙකු වනජීවී දෙපාර්තමේන්තුවේ වනාතවිල්ලුව උප කාර්යාලයේ නිලධාරීන් විසින් අත්අඩංගුවට ගෙන ඇත.

අද (17) අලුයම වනාතවිල්ලුව - කාටුපුලියන්කුලම ප්‍රදේශයේදී මෙලෙස සැකකරුවන් අත්අඩංගුවට ගෙන තිබේ.

සැකකරුවන් රැදී සිටි නිවසේ තිබී දිවි හමක්, විදේශීය රටක නිෂ්පාදිත බලපත්‍ර රහිත බෝර 12 ගිනිඅවියක්, මෙරට නිෂ්පාදිත බලපත්‍ර රහිත බොර 12 ගිනිඅවියක්, ජීව පතුරම් 05ක් සහ හිස් පතරොම් කොපු 04ක්ද වන ජීවී නිලධාරීන් සිය භාරයට ගෙන ඇත.

සැකකරුවන් පුත්තලම මහෙස්ත්‍රාත් අධිකරණයට ඉදිරිපත් කිරීමට නියමිතව ඇත.