ලෝක බලවතුන් දෙදෙනා අතර ද්විපාර්ශ්වික සාකච්ඡා ඇරඹෙයි

ලොවම අවධානයෙන් පසුවන අමෙරිකානු ජනාධිපති ඩොනල්ඩ් ට්‍රම්ප් සහ චීන ජනාධිපති ෂී ජින්පින් අතර ද්විපාර්ශ්වික සාකච්ඡා චීනයේ 'ග්‍රේට් හෝල් ඔෆ් ද පීපල්' (Great Hall of the People) මන්දිරයේදී මීට ස්වල්ප වේලාවකට පෙර ආරම්භ විය.

දෙරටේ නායකයින් අතර පැවැත්වෙන මෙම තීරණාත්මක සාකච්ඡාව සඳහා විශාල මාධ්‍ය පිරිසක් සහ ආරක්ෂක අංශ සූදානමින් සිටින අතර, ජනාධිපති ට්‍රම්ප් ඇතුළු අමෙරිකානු දූත පිරිස මේ වන විට ප්‍රධාන සම්මන්ත්‍රණ ශාලාවේ අසුන්ගෙන සිටින බව වාර්තා වේ.

චීන රාජ්‍ය රූපවාහිනිය වාර්තා කරන පරිදි, මෙම ද්විපාර්ශ්වික සාකච්ඡා සඳහා ජනාධිපති ට්‍රම්ප් සමඟ අමෙරිකානු රජයේ ප්‍රබල නිලධාරීන් පිරිසක් එක්ව සිටිති.

 එම ලැයිස්තුව පහත දැක්වේ,

මාර්කෝ රූබියෝ -  රාජ්‍ය ලේකම් (Secretary of State)

පීට් හෙග්සෙත් - ආරක්ෂක ලේකම් (Defense Secretary)

ජේමියසන් ග්‍රීර් - අමෙරිකානු වෙළඳ නියෝජිත (US Trade Representative)

ස්කොට් බෙසන්ට් - මහා භාණ්ඩාගාර ලේකම් (Secretary of Treasury)

චීන පාර්ශවයෙන් මෙම සාකච්ඡාවට එක්වන නිලධාරීන්ගේ නාමලේඛනයක් චීන මාධ්‍ය මෙතෙක් ප්‍රසිද්ධ කර නොමැත.

මෙම සාකච්ඡාවේදී දෙරට අතර පවතින වෙළෙඳ සබඳතා, ආරක්ෂක ගැටලු සහ කලාපීය දේශපාලන තත්ත්වයන් පිළිබඳව අවධානය යොමු කරනු ඇතැයි අපේක්ෂා කෙරේ.