පාකිස්තාන ඉස්ලාමීය ජනරජයේ ශ්රී ලංකා මහ කොමසාරිස් මේජර් ජෙනරාල් නයියර් නසීර් සහ ආරක්ෂක ලේකම් එයාර් වයිස් මාර්ෂල් සම්පත් තුයියකොන්තා මහතා අතර හමුවක් පවත්වා තිබේ.
ශ්රී ජයවර්ධනපුර කෝට්ටේ ආරක්ෂක සේනා මූලස්ථාන සංකීර්ණයේ පිහිටි ආරක්ෂක අමාත්යාංශයේදී මෙම හමුව ඊයේ (05) පැවැත්විණි.
එහිදී ශ්රී ලංකාවේ සිය රාජ්යතාන්ත්රික සේවා කාලය ආරම්භ කිරීමට වෙනුවෙන් මහ කොමසාරිස්වරයා වෙත ආරක්ෂක ලේකම්වරයා විසින් සුබ පැතුම් එක් කළේය.
මෙම හමුවේදී දෙරටටම වැදගත් වන ද්විපාර්ශ්වික කරුණු පිළිබඳව සාකච්ඡා කෙරුණු අතර පවතින සබඳතා තවදුරටත් ශක්තිමත් කිරීම, ආරක්ෂක ක්ෂේත්රයේ සහෝගීතාව ඉහළ නැංවීම, පුහුණු කටයුතු සහ කලාපීය ආරක්ෂාව යන ක්ෂේත්ර පිළිබඳව විශේෂ අවධානයක් යොමු කළ බව ආරක්ෂක අමාත්යාංශය නිවේදනය කළේය.
එහිදී පාකිස්තානය සහ ශ්රී ලංකාව අතර පවතින දීර්ඝ කාලීන සබඳතාව පිළිබඳව ද මහ කොමසාරිස්වරයා සිය ප්රසාදය පළ කර සිටියේය.
එමෙන්ම විවිධ ක්ෂේත්ර ඔස්සේ සහයෝගීතාව පුළු කිරීම සඳහා ශ්රී ලංකා බලධාරින් සමඟ සමීපව කටයුතු කිරීමට සිය කැමැත්ත යළි එහිදී තහවුරු කළ බව ආරක්ෂක අමාත්යාංශය වැඩිදුරටත් සඳහන් කළේය.
