ශම්මි සිල්වා ඉල්ලා අස්වීමට තීරණය කරයි
April 28, 2026 05:21 pm
ශ්රී ලංකා ක්රිකට් ආයතනයේ සභාපති ශම්මි සිල්වා සිය තනතුරෙන් ඉල්ලා අස්වීමට තීරණ කර තිබේ.
අද (28) පස්වරුවේ පැවැති විධායක කමිටු රැස්වීමකදී ඔහු මෙම තීරණය ප්රකාශයට පත්කර ඇති බව සඳහන් වෙයි.
ශම්මි සිල්වා මහතා 2019 වසරේදී ශ්රී ලංකා ක්රිකට් ආයතනයේ සභාපති ධුරයට මුල්වරට තේරී පත් වූ අතර ඔහු එතැන් සිට මේ දක්වා වසර 7ක කාලයක් සභාපති ධුරයේ කටයුතු කළේය.
පසුගිය කාලයේ අවස්ථා කිහිපයකදී ඔහු ඇතුළු ක්රිකට් පරිපාලනයට විවිධ චෝදනා එල්ල වූ අතර එවන් පසුබිමක වත්මන් ක්රිකට් පරිපාලනයට ඉල්ලා අස්වන ලෙස ආණ්ඩුවේ පාර්ශව දැනුම් දී ඇතැයි පසුගිය දිනක මාධ්ය වාර්තා පළවිය.
වර්තමානයේ දැඩි කතාබහට ලක්වන ක්රිකට් ක්රීඩකයන්ගේ කළමණාකරුවෙක් සහ ජ්යෙෂ්ඨ ක්රිකට් ක්රීඩකයන් කිහිප දෙනෙක් ඇතුළු පිරිසක් ආණ්ඩුවේ ඉහළම පාර්ශ්ව හමුවී වත්මන් ක්රිකට් පරිපාලනය සම්බන්ධයෙන් පැමිණිලි කර තිබේ.
