බස් අනතුරින් තුවාල ලැබූ සිසුන් දසදෙනෙකුට බරපතළයි
April 28, 2026 10:42 am
බගවන්තලාව රාණිකාඩු ප්රදේශයේ සිට බගවන්තලාව නගරයේ පිහිටි පාසල් වෙත පාසල් ළමුන් ප්රවාහනය කරමින් තිබිය දී අනතුරට ලක්වූ බස් රථයේ සිට තුවාල ලැබූ සිසුන් දසදෙනෙකුගේ තත්ත්වය බරපතළ බව වාර්තා වේ.
අද උදෑසන 7.30ට පමණ අනතුර සිදුව තිබුණේ, රාණිකාඩු බගවන්තලාව ප්රධාන මාර්ගයේ කැම්පියන් වත්ත ප්රදේශයේ දීය.
අනතුරින් දරුවන් 34 දෙනෙකු තුවාල ලබා බගවන්තලාව ප්රාදේශීය රෝහල වෙත ඇතුළත් කළ බව බගවන්තලාව ප්රාදේශීය වෛද්ය නිලධාරි ඒ.එස්.කේ ජයසූරීය මහතා පැවසීය.
ධාවනය වෙමින් තිබූ පෞද්ගලික බස් රථයේ තිරිංග පද්ධතියේ හදිසියේ ඇති වූ කාර්මික දෝෂයක් හේතුවෙන් බස් රථය නතර කිරීමට රියදුරා බස් රථය ප්රධාන මාර්ගයේ පස් කන්දක ගැටීමට සලස්වා බස් රථය නතර කිරීමට රියදුරු කටයුතු කර තිබුණි.
බරපතළ තත්ත්වයේ පසුවෙන දරුවන් දසදෙනා වැඩිදුර ප්රතිකාර සඳහා දික්ඔය මුලික රෝහල වෙත මාරුකර යවා ඇත.
