දශක තුනකට වැඩි කාලයකට පසුව ලෙබනනය සහ ඊශ්‍රායලය සාකච්ඡා මේසයට

දශක තුනකට වැඩි කාලයකට පසු ලෙබනනය සහ ඊශ්‍රායලය ඔවුන්ගේ පළමු රාජ්‍ය තාන්ත්‍රික සාකච්ඡා පවත්වා තිබේ.

මෙම සාකච්ඡා ඊයේ (14) වොෂින්ටන් ඩීසි හි දී පවත්වා ඇත.

මේ සඳහා මැදිහත් වූ අමෙරිකානු රාජ්‍ය ලේකම් මාර්කෝ රූබියෝ සඳහන් කර ඇත්තේ, හිස්බුල්ලා සංවිධානයේ බලපෑම අවසන් කිරීමට මෙම සාකච්ඡා ඓතිහාසික අවස්ථාවක් වන බවය.

ලෙබනනය සහ ඊශ්‍රායලය අතර රාජ්‍ය තාන්ත්‍රික සබඳතා මීට පෙර පවත්වා ඇත්තේ 1993 දීය. 

අමෙරිකාව විසින් ඉරානයට ප්‍රහාර එල්ල කිරීමට පටන් ගෙන දින කිහිපයකට පසුව ඊශ්‍රායල සහ ලෙබනනය අතර ගැටුම් ආරම්භ වූ අතර, මෙම ප්‍රහාර හමුවේ පුද්ගලයින් 2,000කට වැඩි පිරිසක් ජීවිතක්ෂයට පත්ව ඇති අතර, තවත් පුද්ගලයින් 6,500කට ආසන්න පිරිසක් තුවාල ලබා ඇත.