මෑතකදී අවසන් වූ සමස්ත ලංකා වයස අවුරුදු 20 න් පහළ පැසිපන්දු ශූරතාවලියේදී මෙතික ජයසිංහ සහ බිනුති ජයසිංහ විශිෂ්ට දස්කම් දැක්වූ අතර, ශූරතාවයන් දිනා ගනිමින් සහ අදාළ කාණ්ඩවල කීර්තිමත් වටිනාම ක්‍රීඩිකාව සම්මානයද දිනා ගනු ලැබීය.

පසුගිය 8 වැනිදා සිට ඊයේ (11) දක්වා පැවති මෙම තරඟාවලියට ශ්‍රී ලංකාව පුරා සිටින දක්ෂතම තරුණ පැසිපන්දු ක්‍රීඩක ක්‍රීඩිකාවන්ගේ දක්ෂතා ඉදිරිපත් වූ අතර බාලිකා අවසන් මහා තරඟය අප්‍රේල් 10 වන දිනද පිරිමි අවසන් මහා තරඟය අප්‍රේල් 11 වන දින පැවැත්විණි.

කොළඹ ශුද්ධ වූ පවුලේ කන්‍යාරාමය නියෝජනය කරමින් බිනුති ජයසිංහ, ලකුණු 25 ක් ලබා ගනිමින් කැපී පෙනෙන දස්කම් දක්වමින්, බාලිකා අවසන් මහා තරඟයේදී තම කණ්ඩායමේ ජයග්‍රහණය සඳහා වැදගත් කාර්යභාරයක් ඉටු කළාය.

ඇයගේ පැසි පන්දු තාක්ෂණික හැකියාවත් පිටියේ ඇයගේ ආධිපත්‍යයත් ඇයට කීර්තිමත් වටිනාම ක්‍රීඩිකාව සම්මානය ලබා දුන් අතර, ඇය ක්‍රීඩාවේ අනාගතය වෙනුවෙන් වඩාත් බලාපොරොත්තු තැබිය හැකි ක්‍රීඩිකාවක් ලෙස සනිටුහන් විය.

විශේෂයෙන්, ඇය වයස අවුරුදු 17 න් පහළ ක්‍රීඩිකාවක් වන අතර ඇය වයස අවුරුදු 20 න් පහළ මට්ටමින් තරඟ කළ අතර මේ හේතුවෙන් ඇයගේ ජයග්‍රහණය තවත් ප්‍රශංසනීය විය.

පිරිමි තරඟයේදී, කොළඹ ශාන්ත ජෝසප් විද්‍යාලය නියෝජනය කල මෙතික ජයසිංහ, වයස අවුරුදු 20 න් පහළ කණ්ඩායමේ නායකයා ලෙස තම කණ්ඩායම මෙහෙයවීය.

තරඟාවලිය පුරාම ආදර්ශමත් නායකත්වයක් සහ ස්ථාවර කාර්ය සාධනයක් පෙන්නුම් කරමින්, ඔහු තම කණ්ඩායම අවසන් තරඟයේදී ජයග්‍රහණය කරා මෙහෙයවනු ලැබීය.

මෙතික පාසල් පැසිපන්දු ක්‍රීඩාවේ කැපී පෙනෙන වාර්තාවක් අත්කර ගෙන ඇති අතර, ඔහුගේ වයස් කාණ්ඩයේ සියලුම ශූරතා එක පරාජයකින් තොරව දිනා ගැනීමටද සමත් ව ඇත.

මෙතික සහ බිනුති යන දෙදෙනාම යොවුන් නායක භූමිකාවන් ද දරා ඇති අතර, ඔවුන්ගේ නායකත්ව ගුණාංග සහ ඔවුන්ගේ අදාළ කණ්ඩායම් සඳහා ඔවුන්ගේ ඇති වැදගත්කම තවදුරටත් ඉස්මතු කිරීමට සමත් විය.

මොවුන් දෙදෙනාගේ ශූරතාවයන් සහ කීර්තිමත් වටිනාම ක්‍රීඩිකාව ගෞරව දෙකම ලබා ගැනීමේ ඔවුන්ගේ ද්විත්ව ජයග්‍රහණය කැපී පෙනෙන සන්ධිස්ථානයක් වන අතර එය ඔවුන්ගේ කැපවීම, විනය සහ විශිෂ්ටත්වය පිළිබිඹු කරයි.

මෙම ජාතික මට්ටමේ තරඟයේදී ජයසිංහ සහෝදර සහෝදරියන්ගේ සාර්ථකත්වය, ශ්‍රී ලංකා පැසිපන්දු ක්‍රීඩාවේ අනාගතයට සැලකිය යුතු බලපෑමක් ඇති කිරීමට ඇති හැකියාව පැහැදිලි බවද නොඅනුමානය.