වැඩතහනමකට ලක්ව සිටින රේගු අධිකාරිවරයෙකු අල්ලස් දැලේ

ශ්‍රී ලංකා රේගුවේ මධ්‍යම අපහරණ අංශය මඟින් සිදුකරන ලද විමර්ශනයක් අනුව මේ වනවිට වැඩතහනමකට ලක්ව සිටින රේගු අධිකාරිවරයෙකු අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන තිබේ.

මිනිස් පරිභෝජනයට නුසුදුසු ආහාර බවට  හා ඖෂධ පරීක්ෂක විසින් නිර්දේශ කරන ලද ෆාම් ඔයිල් අඩංගු බහාලුම් 5ක් විනාශ කිරීම සඳහා නියෝග ලබාදී තිබියදී, එම ෆාම් ඔයිල් අඩංගු බහාලුම් පුද්ගලික අංගනයකට රැගෙන ගොස් එක් බහාලුමක තිබූ ෆාම් ඔයිල් රු ලක්ෂ 40කට විකුණා තිබේ.

පසුව අදළා බහාලුම්වල අඩංගු ෆාම් ඔයිල් විනාශ කළ බවට ලේඛන ඉදිරිපත් කර එකී ගොනුව තමා සන්තකයේ තබාගනිමින් යම් තැනැත්තෙකුට වාසියක් කිරීම තුළින් දුෂණය නම් වරද සිදුකර ඇතැයි යන චෝදනාව මත මෙම පුද්ගලයාව අත්අඩංගුවට ගෙන ඇත.

එලෙස අත්අඩංගුව‌ට ගෙන ඇත්තේ, පිළියන්දල, සිද්ධමුල්ල ප්‍රදේශයේ පදිංචි රේගු අධිකාරීවරයෙකි.