උණුසුම් පුවත්
යුද්ධය වෙනුවෙන් පෙන්ටගනයෙන් ඩොලර් බිලියන 200ක අතිදැවැන්ත ප්රතිපාදන ඉල්ලීමක්
Mar 19, 202610:16 AM
ඉරානය සමඟ පවතින යුදමය තත්ත්වය සඳහා අමෙරිකානු ඩොලර් බිලියන 200 කට වඩා වැඩි මුදලක් අනුමත කරන ලෙස අමෙරිකානු ආරක්ෂක මූලස්ථානය හෙවත් පෙන්ටගනය ධවල මන්දිරයෙන් ඉල්ලා ඇති බව වාර්තා වේ.
වොෂින්ටන් පෝස්ට් පුවත්පත උපුටා දක්වමින් පරිපාලනයේ ජ්යෙෂ්ඨ නිලධාරියෙකු ප්රකාශ කර ඇත්තේ, මෙම මුදල ට්රම්ප් පරිපාලනය මෙතෙක් දියත් කළ මෙහෙයුම් සඳහා වැයවූ පිරිවැය අභිබවා යන බවයි.
දැනට යුද්ධය සඳහා වැය කර ඇති තීරණාත්මක අවි ආයුද නිෂ්පාදනය එකවැරම ඉහළ නැංවීම මෙම අරමුදල් ඉල්ලීමේ හේතු වී ඇති බව සඳහන් වේ.
පසුගිය සති දෙකක කාලය තුළ පෙන්ටගනය විසින් විවිධ ප්රතිපාදන ඉල්ලීම් කිහිපයක් ඉදිරිපත් කර ඇති අතර, මෙම නවතම ඉල්ලීම අමෙරිකානු කොන්ග්රස් මණ්ඩලය තුළ දැඩි දේශපාලන අර්බුදයක් නිර්මාණය කරනු ඇති බව වොෂින්ටන් පෝස්ට් පුවත්පත පෙන්වා දී ඇති බව විදෙස් මාධ්ය පවසයි.
