ඉරානයේ මීළඟ උත්තරීතර නායකයා මොජ්තාබා කමේනි ද?

ඉරානයේ උත්තරීතර නායක අයතුල්ලා අලි කමේනිගේ අභාවයෙන් පසු, මීළඟ උත්තරීතර නායකයා පිළිබඳ විශාල කතා බහක් ඇති වී ඇත. 

විදේශ මාධ්‍ය වාර්තා අනුව, අයතුල්ලා අලි කමේනිගේ දෙවන පුත්‍රයා මොජ්තාබා කමේනි ඉරානයේ නව උත්තරීතර නායකයා ලෙස පත් විය හැකි බව දැඩි කතා නිර්මාණය වී ඇති බවය.

56 හැවිරිදි මොජ්තාබා කමේනි 1969 සැප්තැම්බර් 8 දින ඉරානයේ මොසාඩ් නගරයේ උපත ලබා තිබේ. 

ඔහු පසුබිමෙන් ආගමික පුද්ගලයෙකු වුවත්, විදේශ විශ්ලේෂකයන් පෙන්වා දෙන්නේ ඔහු ඉස්ලාමීය විප්ලවවාදී ආරක්ෂක බළකාය සමඟ දැඩි සම්බන්ධතා පවත්වා ඇති බවය.

යුධ සේවය සහ ආගමික අධ්‍යාපනය

මොජ්තාබා කමේනි අවුරුදු 17දී ඉරාන-ඉරාක් යුද්ධය සමයේ හමුදාවේ සේවය කළ අතර, 1999 වසරේ ඔහු ඉස්ලාමීය නීතිය සහ ශියා දාර්ශනික චින්තනය පිළිබඳ අධ්‍යයනය ආරම්භ කළේය. 

මුල් වසරවල ඔහු පූජක ඇඳුමෙන් නොපෙනී සිටියද, වයස අවුරුදු 30ක් පමණ වන විට සෙමිනාරි අධ්‍යාපනයට එක්ව ඇත. 

වර්තමානයේ ඔහු මධ්‍යම මට්ටමේ පූජකවරයෙකු ලෙස සැලකෙයි.

මෑත වාර්තා අනුව, මොජ්තාබා “අයතුල්ලා” යන නාමයෙන් හැඳින්වීමටද පටන්ගෙන ඇති අතර, එය ඔහු ඉරානයේ උත්තරීතර නායකයා ලෙස ඉදිරිපත් විය හැකි බවට පෙර ලකුණු ලෙස සලකනු ලබයි.

දේශපාලන බලපෑම සහ මාධ්‍ය අවධානය

2009 වසරේ ජනාධිපතිවරණය සමයේ විරෝධතා මැඩපැවැත්වීමේ ක්‍රියාවලිය තුළ මොජ්තාබා කමේනි පසුබිම් බලපෑමක් ඉටු කළ බව විදේශ මාධ්‍ය වාර්තා කරයි. 

එහෙත් ඔහු ප්‍රසිද්ධ මාධ්‍යවලට පෙනෙන්නේ සීමිත ප්‍රමාණයකින් පමණ බවද සඳහන් වේ. 2000 වසරේදී විකිලීක්ස් වෙබ් අඩවිය ඔහු පූජක ලෝගුවට පිටුපස සිටින බලවතා ලෙස හඳුන්වා දී තිබුණි.

නායකත්වය සඳහා සුදුසුකම්

ඉරානයේ උත්තරීතර නායකයා තෝරාගැනීමේ බලය Assembly of Experts සභාවට හිමි අතර, නව උත්තරීතර නායකයා වීමට ඉදිරිපත් විය හැකි පුද්ගලයා ඉස්ලාමීය නීතිය පිළිබඳ උසස් දැනුම සහ දේශපාලනික නායකත්ව හැකියාව සතු විය යුතුය. 

Assembly of Experts සභාව රහස් සාකච්ඡා සහ ඡන්ද මගින් නව නායකයා තෝරා පත් කරයි.

විවේචකයන් පෙන්වා දෙන්නේ, මොජ්තාබා කමේනි පියාගෙන් පුත්‍රයා වෙත බලය සෘජුව මාරුවීම සිදු වුවහොත්, එය ඉරානයේ විප්ලවීය මූලධර්මවලට පටහැනි විය හැකි බවය. 

තවද, ඔහු තවමත් ඉහළම ආගමික තත්ත්වයට ළඟා වී නොමැති වුවත්, දේශපාලන බලපෑම සහ ආරක්ෂක සම්බන්ධතා ඔහුට වැදගත් බලයක් ලබා දෙන බව විශ්ලේෂකයන් සඳහන් කරති.

ඉතිහාසය සහ වාර්තාවීම්

ඉරානයේ පළමු උත්තරීතර නායකයා වූයේ Ruhollah Khomeini වන අතර, ඔහුගේ මරණයෙන් පසු 1989දී අයතුල්ලා අලි කමේනි එම ධුරයට පත් විය. 

අද, මොජ්තාබා කමේනිගේ නායකත්වයට ඉදිරිපත් වීම ඉරාන රාජ්‍ය ක්‍රමය, ආගමික බලය සහ විප්ලවීය මූලධර්ම අතර ඇති සංකීර්ණ සම්බන්ධතාවයන් පිළිබඳ වැදගත් අවධාරණයක් ලෙස සැලකේ.