ට්රම්ප්ගේ ක්රමවේදය පිළිගන්න බැහැ - හිටපු ජනපති රනිල්
March 2, 2026 04:50 pm
ට්රම්ප් ජනාධිපතිවරයා විසින් අනෙක් රටවල ආණ්ඩු බලය වෙනස් කිරීමට ගෙනයන ක්රියාමාර්ග කිසිසේත් පිළිගත නොහැකි බව හිටපු ජනාධිපති රනිල් වික්රමසිංහ මහතා පවසයි.
ඉරානයට එරෙහිව, අමෙරිකා සහ ඊශ්රායල සිදුකරන ප්රහාර සම්බන්ධයෙන් අදහස් දක්වමින් ඒ මහතා අද (02) මාධ්ය වෙත මේ බව පැවසීය.
මෙය ඉතා ගැඹරු ගැටලුවක් බවත් එම ක්රියාපිළිවෙත ශ්රී ලංකාවට යහපත් නොවන බව ඒ මහතා පැහැදිලි කළේය.
එමෙන්ම ඉරානයේ පවතින යුදමය වතාවරණය මැද ඉරාන ඉන්ධන සැපයුම අඩපන වීම තුලින් ශ්රී ලංකාවේ ඉන්ධන හිඟයක් සිදු නොවන බව ද ඒ මහතා පවසයි.
එකෙසේ වෙතත් ඉරානය විසින් ඉන්ධන ප්රවාහන නෞකාවලට ප්රහාර එල්ල කරමින් එම ප්රවාහන කටයුතු අඩපන කළහොත් එය විශාල ගැටලුවක් විය හැකි ඔහු පෙන්වා දෙයි.
"ඉරානයේ තෙල් නැති වුණා කියලා විශාල හිඟයක් වෙන්නේ නෑ. අනික් රටවල් ඊට වඩා තෙල් නිෂ්පාදනය කරනවා. හැබැයි ඉරානය විසින් ඒ අසලින් එන තෙල් නැව්වලට බොම්බ දැමීමකින් නැව් නැවැත්තුවොත් ඒක විශාල ප්රශ්නයක්. දැනට ඒක සිදුවෙලා නෑ.
ට්රම්ප් ජනාධිපති ඊශ්රායලයත් එක්ක එකතුවෙලා කළේ ඉරානයේ නායකත්වය නැති කරන්න. කෙසේ හෝ ආණ්ඩුවක් ඉවත් කරනවා නම් මේ ක්රමවේදය පිළිගන්න බැහැ. ස්විස්ටර්ලන්තයයි නොර්වේ එහෙම කියන්නනේ මේක ජාත්යන්තර නීති සහ සම්ප්රදායන් අනුව සුදුසු නැහැ කියලා.
ට්රම්ප් ජනාධිපති බලන්නේ එයා කැමති විදියට ලෝකේ වැඩකටයුතු කරගෙන යන්න. එත් මේක අපිට හොඳ නෑ. , මේක ඉතා ගැඹුරු ප්රශ්නයක්..."
