ත්රස්තවාදය වැළැක්වීමේ පනත අහෝසි කිරීමේ යෝජනාවක් චාවකච්චේරි නගර සභාවේදී සම්මත වෙයි
February 26, 2026 05:19 pm
ත්රස්තවාදය වැළැක්වීමේ පනත අහෝසි කරන ලෙසටත් යෝජිත ත්රස්තවාදයෙන් රාජ්යය ආරක්ෂා කිරීමේ කෙටුම් පත හකුළා ගන්නා ලෙසටත් වන යෝජනාවක් චාවකච්චේරි නගර සභාවේදී අද (26) සම්මත කරගෙන තිබේ.
ඒ, එහි සභාපති වී. ශ්රීප්රකාශ් මහතාගේ ප්රධානත්වයෙන් රැස්වූ අවස්ථාවේදීය.
අදාළ යෝජනාව සභාවට ඉදිරිපත් කරමින් උපසභාපතිවරයා ප්රකාශ කළේ, මෙම පනත ප්රජාතන්ත්ර විරෝධී සහ මූලික මිනිස් අයිතිවාසිකම් හකුළා දමන බවය.
ත්රස්තවාදය වැළැක්වීමේ පනතේ කෘෘරත්වයට මුහුණ දුන් ප්රජාවක් ලෙස මෙම පනත අහෝසි කළ යුතු බව ද ඔහු අවධාරණය කළේය.
ත්රස්තවාදය වැළැක්වීමේ පනතේ කෘෘරත්වයට මුහුණ දුන් ප්රජාවක් ලෙස මෙම පනත අහෝසි කළ යුතු බව ද ඔහු අවධාරණය කළේය.
න්යාය පත්රයට ඇතුළත් නොකළ යෝජනාවක් සභාවට ඉදිරිපත් කළ නොහැකි බව පවසමින්, ජාතික ජනබලවේගයේ මන්ත්රීවරුන් සිය විරෝධය පළ කළහ.
කෙසේවෙතත් එම බලවේගයේ මන්ත්රීවරුන් තිදෙනා හැර සෙසු නියෝජිතයන් අදාළ යෝජනාවට පක්ෂව ඡන්දය භාවිත කළහ.
ඒ අනුව අදාළ යෝජනාව අද (26) චාවකච්චේරි නගර සභාවේදී සම්මත කරගන්නා ලදී.
