ලංවිම සංකේත වැඩ වර්ජනය අද  - රේගුව තවදුරටත් කළු පටි පැලැඳ රාජකාරියට

ඉල්ලීම් අටක් මුල් කරගනිමින් අද (26) දින පැය 06ක සංකේත වැඩ වර්ජනයක නිරත වන බව විදුලි වෘත්තීය සමිති පවසයි.

සිය ගැටලු සම්බන්ධයෙන් අවස්ථා කිහිපයකදී බලධාරීන් දැනුම්වත් කළ ද මේ දක්වාත් ඊට විසදුම් ලැබී නොමැති බව එම වෘත්තීය සමිති සඳහන් කළේය.

ඒ අනුව අද මධ්‍යහන 12.00 සිට පස්වරු 6.00 දක්වා දිවයින පුරා සංඛේත වැඩ වර්ජනයක නිරත වන බව ලංකා විදුලිබල මණ්ඩලයේ කාර්මික ශිල්පින්ගේ සංගමයේ සභාපති කෝසල අබේසිංහ මහතා පැවසීය.

මේ අතර සිය ඉල්ලීම් සම්බන්ධයෙන් මුදල් නියෝජ්‍ය අමාත්‍යවරයා සමග අද පැවැත්වෙන සාකච්ඡාවේ ප්‍රතිඵල මත ඉදිරි වෘත්තීය සමිති ක්‍රියාමාර්ග තීරණය කරන බව රේගු වෘත්තීය සමිති පවසයි.

රේගු නිලධාරීන්ගේ සංගමයේ උප සභාපති ගීතාංජන මඩපාත මහතා පැවසුවේ පසුගිය අඟහරුවාදා දිනයේ සිට කළු පටි පැලැඳ රාජකාරී කටයුතු සිදුකිරීමේ වෘත්තීය සමිති ක්‍රියාමාර්ගය තවදුරටත් ක්‍රියාත්මක බවය.