කුෂ් කිලෝ 16ක් සමඟ තිදෙනෙකු ගුවන්තොටේ දී මාට්ටු
February 16, 2026 07:40 am
රුපියල් කෝටි 16කට අධික වටිනාකමින් යුත් කුෂ් මත්ද්රව්ය කිලෝග්රෑම් 16ක් මෙරටට රැගෙන ආ කාන්තාවක් ඇතුළු තිදෙනෙකු ගුවන්තොටුපොළ පොලිස් මත්ද්රව්ය කාර්යාංශයේ නිලධාරීන් විසින් අත්අඩංගුවට ගෙන තිබේ.
මොවුන් තිදෙනා කොළඹ හා වැල්ලම්පිටිය යන ප්රදේශවල පදිංචිකරුවන් වන අතර, ඉන් පිරිමි පුද්ගලයින් දෙදෙනා 33හැවිරිදි වියේ හා 28 හැවිරිදි වියේ පසුවේ. කාන්තාව 35 හැවිරිදි වියේ පසුවන බව වාර්තා වේ.
මොවුන් අතරින් එක් අයෙකු සම්භාහන ආයතනයක් පවත්වාගෙන යන අයෙකු බවට ද තොරතුරු අනාවරණය වී තිබේ.
මොවුන් මෙම කුෂ් මත්ද්රව්ය තොගය තායිලන්තයේ බැංකොක් නුවරින් මිලදී ගෙන, ඩුබායි වෙත පැමිණ, එතැන් සිට එමිරේට්ස් ගුවන් සේවයේ ඊ.කේ.- 654 දරන ගුවන් යානයෙන් ඊයේ (15) රාත්රී 07ට කටුනායක ගුවන්තොටුපොළ වෙත පැමිණ තිබුණි.
මොවුන් තිදෙනා විසින් රැගෙන ආ ගමන් මලු අතර වූ එක් ගමන් මල්ලක් තුළ, පැකැට් 60ක් ලෙස අසුරා සකස් කළ කුෂ් මත්ද්රව්ය කිලෝ ග්රෑම් 16යි ග්රෑම් 400ක් සඟවා තිබිය දී සොයා ගෙන ඇති අතර, අත්අඩංගුවට ගත් තිදෙනාව අද (16) මීගමුව මහෙස්ත්රාත් අධිකරණය වෙත ඉදිරිපත් කිරීමට නියමිතය.
